CHUO KIKUU MZUMBE DAR WASHIRIKI MAADHIMISHO SIKU YA WANAWAKE DUNIANI

Na Mwandishi Wetu, Michuzi TV

WANAWAKE kutoka Chuo Kikuu Mzumbe, Ndaki ya Dar es Salaam wameshiriki katika maadhimisho ya siku ya Wanawake duniani, leo tarehe 8 Machi 2023 yaliyofanyika katika viwanja vya Mnazi Mmoja, Dar es Salaam.

Akizungumza na Michuzi Blog, Kaimu Mkuu wa Ndaki ya Dar es Salaam, Dkt. Coretha Komba amesema kupitia Kaulimbiu ya ‘Ubunifu na Mabadiliko ya Teknolojia, Chachu katika kuleta usawa wa Kijinsia’, amesema kwa kiasi kikubwa mabadiliko ya teknolojia yamesaidia kuleta usawa wa kijinsia.

“Kwa sasa baada ya mabadiliko ya Teknolojia, Wanawake wamekuwa mstari wa mbele katika kufanya vitu ambavyo walikuwa wanafanya Wanaume pekee,” amesema Dkt. Coretha.

Dkt. Coretha amesema wamejifunza mengi katika Maadhimisho ya mwaka huu, lakini pia wamepata fursa ya kutoa misaada katika Hospitali ya Taifa ya Muhimbili.

Wanawake kutoka Chuo Kikuu Mzumbe, Ndaki ya Dar Es Salaam wakiwa kwenye maandamano kwenye siku ya Wanawake duniani katika viwanja vya Mnazi mmoja jijini Dar es Salaam.

Wanawake hao wa Chuo Kikuu  cha Mzumbe wameongozwa na Kaimu Mkuu wa Ndaki ya Dar es Salaam, Dkt. Coretha Komba