Mnaobeba hela nyingi tuambieni tuwape 'eskoti'

Njombe

Polisi mkoani Njombe imetoa tahadhari kwa wafanyabiashara na wakulima wanaobeba hela nyingi mikononi wakati wa kuzipeleka benk au kukabidhiana baada ya kuuza mazao na kuomba kutoa taarifa kwa vyombo vya usalama ili vitoe huduma ya polisi ya kusindikiza kwa ajili ya usalama.

Kamanda wa Polisi mkoa wa Njombe Hamis Issah ameeleza hayo wakati akizungumza na kutoa elimu kwa madereva wa malori pamoja na Madalali katika kituo cha magari ya mizigo kilichopo Edina halmashauri ya mji wa Njombe.

"Msikubali kubeba hela kwenye mifuko na siku ukiwa umebeba hela njoo tuambie kuwa nimebeba hela mimi nitakupa askari hiyo ruhusa ipo kuna sheria unachukua askari akusindikize,nyie njooni na hata wakati mnawapa wakulima hela askari atakuwepo"amesema Kamanda Issah.