SKICC SRINAGAR IKO TAYARI KUPOKEA, KUWAKARIBISHA WAJUMBE WA G20

Na Mwandishi Wetu

KITUO cha Mikutano cha Kimataifa cha Sher-i- Kashmir huko Srinagar, maarufu kama SKICC, kwa sasa kimegubikwa na shughuli nyingi kinapojitayarisha kuandaa mkutano ujao wa G20 kuanzia Mei 22 hadi 24.

Mkutano huu wa kimataifa, ambao utafanyika kwenye ukingo wa Ziwa la Dal Lake, unatarajiwa kutoa msukumo mkubwa kwa utalii katika eneo hilo.

Kikundi Kazi cha Utalii cha nchi za G20 kitakuwepo kwenye mkutano huo kujadili ukuzaji wa utalii katika ngazi ya kimataifa.

"Hii ni fursa nzuri kwa Kashmir kuonyesha uzuri wake wa asili na uwezo wa utalii kwa ulimwengu.Kikundi cha Kazi cha Utalii cha nchi za G20 kinakuja Kashmir kujadili njia za kukuza utalii katika kiwango cha kimataifa. Hii itafanyika wakati mkutano wa G20 utakapomalizika. kwa mafanikio,"amesema Syed Abid Rashid Shah ambaye ni Katibu Utalii.

Utawala wa LG una matumaini kuwa uenyeji na mafanikio ya mkutano huo utaleta umaarufu kwa Kashmir katika ngazi ya kimataifa.

"Tumejitayarisha kikamilifu kuandaa mkutano wa G20, na tunatumai kuwa litakuwa tukio la mafanikio na la kukumbukwa. Hii ni fursa nzuri kwetu kuonyesha uzuri wa asili wa Kashmir na uwezo kwa ulimwengu," amesema mmoja wa maofisa wa utawala.

Kwa upande wa wenyeji wengi pia wana wakiamini kuwa mkutano huo sio tu utakuza utalii bali pia kuleta manufaa ya kiuchumi katika eneo hilo.

"Tunafuraha kuwa na tukio kubwa kama hili kutokea Kashmir. Tunaamini kwamba italeta uwekezaji zaidi na fursa za kazi kwa wenyeji," Zubair Ahmad ambaye ni mkazi wa Srinagar.

Mkutano ujao wa G20 katika SKICC ni tukio muhimu ambalo lina uwezo wa kuiweka Kashmir kwenye ramani ya kimataifa.

Sekta ya utawala na utalii ina matumaini kuwa mkutano huo utaleta manufaa chanya kwa eneo hili katika masuala ya utalii na uchumi.