CHONGOLO AELEZEA NAMNA UWANJA WA NDEGE NDULI MKOANI IRINGA UNAVYOKWENDA KUFUNGUA UCHUMI

Na Mwandishi Wetu,  Michuzi TV- Iringa

KATIBU Mkuu wa Chama Cha Mapinduzi( CCM)Daniel Chongolo amesema uamuzi wa Serikali kujenga Uwanja wa Ndege Nduli mkoani Iringa umelenga kufungua fursa kwa wananchi wa Kusini.

Akizungumza leo Juni 1, 2023  baada ya kukagua upanuzi wa ujenzi wa Kiwanja cha Ndege Nduli Kilichopo Iringa,Katibu Mkuu Chongolo amesema uwanja huo unakwenda kufungua fursa za kiuchumi , hivyo ameshauri wananchi wa mkoa huo kuutumia.

"Wananchi wa Mkoa wa Iringa tumieni
vizuri uwanja wa Ndege wa Nduli uliopo mkoani hapa baada ya kukamilika na tumaamini uwanja huu unakwenda kuongeza  uchumi wao pamoja na kusafirisha mazao."

Pia amesema utalii utakwenda kufungua mara baada ya kukamilika kwa uwanja huo wa Nduli , hivyo wananchi watapata fedha za kigeni na hayo ndio maendeleo ambayo Serikali inayoongozwa na Rais Samia Suluhu Hassan inataka kuona yanatokea nchini.

Wakati huo huo Katibu Mkuu Chongolo ametumia nafasi hiyo kuwataka wananchi Mkoa wa  Iringa kuendelea kutunza utamaduni wa mkoa huo ili wageni wanaoingia wajue utamaduni sambamba na kuwarithisha kizazi kijacho badala ya kuendelea kuiga mila za nchi nyingine.

Chongolo yuko mkoani Iringa akiwa ameongozana na Wajumbe wawili wa Sekretarieti ya Halmashauri Kuu ya CCM Taifa ambao ni Katibu wa NEC Oganaizesheni Ndugu Issa Haji Ussi Gavu na Katibu wa NEC Itikadi na Uenezi,kwa ziara  yenye lengo la kukagua utekelezaji wa Ilani ya Uchaguzi Mkuu ya Chama Cha Mapinduzi( CCM) ya  mwaka 2020-2025 pamoja na kusikiliza kero za wananchi kwa lengo la kuzipatia ufumbuzi.

Baadhi ya Viongozi wa Chama na Serikali pamoja na Wananchi wakimsikiliza Katibu Mkuu wa CCM Ndugu Daniel Chongolo mara baada ya kukagua maendeleo ya ujenzi ya uwanja huo wa Ndege

Katibu MKuu wa CCM Ndugu Daniel Chongolo akizungumza jambo na Mkuu wa Mkoa wa Iringa Mhe.Halima Dendego wakati akikagua upanuzi wa Uwanja wa Ndege wa Iringa

Katibu Mkuu wa CCM Ndugu Daniel Chongolo akisikiliza maelezo kuhusu upanuzi wa Uwanja wa Ndege wa Iringa alipotembelea kujionea maendeleo ya Ujenzi wake ambapo hadi sasa Ujenzi umefikia zaidi ya  asilimia 50.