UFUNGUZI TAWI LA BENKI GEITA AJIRA 800 ZAPATIKANA

 Na Nasra Ismail ,GEITA

Mkuu wa mkoa wa geita Martin Shigela leo amefungua tawi  la bank ya Tanzania Commercial Bank(TCB) Mkoani humo ikiwa ni katika harakati za kupanua wigo wa biashara na kufungua fursa mbalimbali katika mkoa huo.

Akizungumza wakati wa uzinduzi wa tawi hilo Shigela alisema kuwa kufunguliwa  kwa tawi hilo kumewezesha kupatikana kwa  ajira kwani takribani watumishi 800 wameajiriwa katika tawi hilo.

Aidha shigela aliongeza kuwa benki hiyo itawezesha wafanyabiashara wadogowagogo na vikundi vidogovidogo  kupata mikopo yenye riba nafuu ili kuwawezesha wafanyabiashara hao kuendelea kukuza mitaji yao.

“Sisi wana Geita tutafaidika na mikopo hii, na riba yake ni miongoni mwa riba nzuri kuliko benki zingine, utapewa riba nzuri na muda wa kutosha kuzalisha fedha yako na kuirudisha”Alisema Shigela.

Nae mkurugenzi mtendaji wa TCB  Sabasaba Moshingi alisema kuwa  kwa kipindi cha miaka 10 bank imeuza mali za bank kutoka bilioni 121 hadi kufikia trillion 1 na bilioni 400 na kuongeza idadi ya matawi kutoka 30 hadi kufikia matawi 80 hivyo kuongeza ajira kutoka wafanyakazi 400 hadi kufikia wafanyakazi 1200. 

Kwa upande wake meneja wa TCB  Andrew Mzirai alisema kuwa  TCB imejipanga kutoa fursa pia kwa wachimbaji wadogowadogo kwa kuwapa mikopo kwa ajili ya vifaa vya kufanyia shughuli za uchimbaiji

Nao wananchi na wadau wa mkoani humo wameishukuru bank hiyo kuanzisha tawi hilo kwani litawasaidia kuwapa  huduma kamilifu kwa ghalama nafuu hasa wafanyabiashara na wastaafu.