Wawekezaji wawili kutoka Urusi wakiambatana na Mwenyekiti wa bodi ya Wakurugenzi ya TAWA Mej. Jen. (Mstaafu) Hamis Semfuko leo Julai 7, 2023 wametembelea banda la Wizara ya Maliasili na Utalii katika maonesho ya 47 ya kimataifa ya kibiashara yanayoendelea Jijini Dar es Salaam na kupata maelezo juu ya fursa za uwekezaji zinazopatikana katika maeneo ya mapori ya akiba na mapori tengefu nchini.
Wawekezaji hao wameipongeza Serikali ya Jamhuri ya Muungano wa Tanzania Kwa juhudi za kuhifadhi Wanyamapori nchini
Kwa nyakati tofauti wakiwa katika bustani ya Wanyamapori waliweza kuona Wanyamapori hai mbalimbali kama vile Simba, chui , chatu, mbuni na wengine wengi waliopo katika bustani hiyo na kupongeza juhudi za Serikali katika kuwalinda na kuwahifadhi Wanyama hao kwa ajili ya urithi wa vizazi vijavyo
"Tumetembelea bustani ya Wanyamapori na kuona aina mbalimbali za Wanyama mahali hapa tumefurahi sana, hakika mnatoa viwango vya juu vya huduma Kwa Wanyamapori hawa na tunawaona watu wengi wakifurahi kuwaona Wanyamapori" amesema mmoja wa watalii hao
"Nimependa pia kuona namna mnavyowaleta Wanyamapori karibu na watu wenu Ili waweze kuwaona kirahisi, hii inaonesha tangu utoto watu wenu wanajifunza uhifadhi, hongereni sana na tunawatakia Kila lakheri" ameongeza
Wawekezaji hao wamekuja Nchini Kwa lengo la kutaka kuwekeza katika maeneo mbalimbali yanayosimamiwa na Mamlaka ya Usimamizi wa Wanyamapori Tanzania (TAWA).
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...