POLISI WAMNASA ANAYETUKANA VIONGOZI WAKUU WA SERIKARI KWA KUTUMIA MITANDAO YA KIJAMII

 

Na Mwandishi Wetu, Michuzi TV

JESHI la Polisi Kanda Maalum ya Dar es Salaam limemkamata na linamuhoji kwa 

kina Selemani Agai Gaya (18) mkazi wa Kigamboni, kwa tuhuma za kutoa lugha ya matusi mtandaoni dhidi ya 

Viongozi wakuu wa Serikali Tanzania kwa kutumia mitandao wa kijamii.

Akizungumza leo na waandishi wa habari Kamanda wa Kanda Maalum ya Dar es Salaam Jumanne Muliro amesema mtuhumiwa huyu amekamatwa Julai 29, 2023.

"Mtuhumiwa huyu  na wenzake wamekuwa wakitengeneza maudhui za mtandaoni (video) na kuzisambaza kwenye mitandao ya kijamii zenye kuwatukana na kuwafedhehesha viongozi wakuu wa Serikali katika akaunti zao za Tiktok.

"Mtuhumiwa huyu atafikishwa Mahakamani haraka

izekanavyo. Jeshi la Polisi linatoa onyo kali kwa mtu/ watu wanao toa lugha za matusi na fedheha

kwa viongozi wa Serikali kwa njia ya mtandao na njia nyingine yoyote, " amesema.

Ameongeza Jeshi la Polisi kwa kushirikiana na mamlaka nyingine za kisheria limejipanga kuwafuatilia

na kuwakamata, kuwahoji kwa kina kuhakikisha wanafikishwa haraka kwenye nyombo vya sheria.

Katika hatua nyingine, Jeshi la Polisi Kanda Maalum ya Dar es Salaam Julai 31, 2023 limewakamata watuhumiwa saba akiwemo Amani Kipolo mkazi wa 

Vingunguti kwa tuhuma za kumshambulia na kusababishia kifo Hadija Hamisi na kuwajeruhi watu wengine nane.

Kamanda Murilo amesema watuhumiwa hao wakiwa na wenzao wakiwa kwenye kundi waliwashambulia 

wananchi mtaani maeneo ya Vingunguti kwa lengo la kulipiza kisasi wakati 

wakitoka kuzimka mwenzao aliyefahamika kwa jina la Nurdin Bwino.

Aidha, awali marehemu huyo Nurdin Bwino aliuwa kwa kushambuliwa na wananchi alipokuwa na wenzake sita wakiwa na visu na vifaa mbalimbali vya kuvunjia alipojaribu kuvunja nyumba moja usiku wa Julai 30, 2023.