UPIMAJI NA MATIBABU YA MAGONJWA YA MOYO MKOANI KILIMANJARO

Wataalamu wa Taasisi ya Moyo Jakaya Kikwete (JKCI) kwa kushirikiana na wenzao wa Hospitali ya Rufaa ya Mkoa Mawenzi iliyopo Mkoani Kilimanjaro watatoa huduma za tiba mkoba zinazojulikanano kwa jina la Mhe. Dkt. Samia Suluhu Hassan Outreach Program kwa kufanya upimaji na matibabu ya magonjwa ya moyo kwa wananchi wa Mkoa wa Kilimanjaro na Mikoa ya jirani.

Upimaji huu utafanyika kwa watoto na watu wazima kuanzia tarehe 21/08/2023 hadi tarehe 25/08/2023 saa mbili kamili asubuhi mpaka saa 10 kamili jioni katika Viwanja vya Hospitali ya Rufaa ya Mkoa Mawenzi.

Kutakuwa na wataalamu wa lishe ambao watatoa elimu ya lishe bora ambayo itawapa wananchi uelewa na kufuata mtindo bora wa maisha ambao utawasaidia kuepukana na magonjwa ya moyo ambayo ni moja ya magonjwa yasiyoambukiza na yanaweza kuepukika kwa kufuata ushauri wa kitaalamu.

Watakaogundulika kuwa na matatizo ya moyo watafanyiwa uchunguzi zaidi na kupatiwa matibabu hapohapo au kupewa rufaa ya kuja kutibiwa katika Taasisi ya Moyo Jakaya Kikwete (JKCI) iliyopo Upanga jijini Dar es Salaam.

Tunawaomba wananchi mjitokeze kwa wingi kupima afya zenu kujua kama mna matatizo ya moyo ili kuanza matibabu mapema kwa atakayegundulika kuwa mgonjwa.


Kwa taarifa zaidi wasiliana kwa simu namba 0784818723 Dkt. Emmanuel Irira na 0717720201 Dkt. Leonard Mroso.

“Afya ya Moyo Wako ni Jukumu Letu”.