Bolt kuongeza ushiriki wa madereva kwa uzinduzi wa programu ya kuwapatia motisha

 
Kampuni inayoongoza kwa huduma za usafiri kwa mtandao barani Afrika Bolt, imeanzisha programu ya motisha kwa madereva yenye lengo la kuongeza ushiriki na kuiwezesha jamii ya madereva hao. Mpango huu mpya unasisitiza dhamira imara ya Bolt ya kutambua na kufurahia michango ya kipekee ya madereva wake magari na waendesha boda boda.

Kama sehemu ya mpango huu wenye manufaa, Bolt ilizindua kampeni ya wiki nane inayoitwa Endesha kwa ajili ya Tuzo ''Drive for a Prize,' ambayo ilianza mapema Agosti mwaka huu na kuendelea hadi mwisho wa Septemba. Katika muda wote wa kampeni hii, madereva na waendesha bodaboda wamekuwa wakikusanya pointi kwa kila safari iliyokamilika, saa zinazotumiwa mtandaoni, safari zilizokubaliwa na kukamilika, na ukadiriaji wa juu wa madereva. Katika kipindi cha miezi miwili, kampeni hii ililenga kuwazawadia madereva magari na waendesha boda boda zaidi ya 200.

Kampeni ya 'Drive for a Prize,' ilihitimishwa kwa hafla ya utoaji wa tuzo katika Kituo cha Ushirikiano wa Madereva kilichopo mtaa wa Maji Maji 30 jijini Dar es Salaam, ambapo iliwatunukia madereva na abiria 56 bora. Zawadi hizo zilijumuisha Televisheni Janja, Simu Janja, Vocha za ununuzi wa bidhaa na Vocha za mafuta.

Takura Malaba, Meneja wa Bolt Kanda ya Afrika Mashariki na Kusini alisema: "Katika kutambua na kuthamini kwamba madereva na waendesha boda boda wetu ndio kiini cha mafanikio yetu ya biashara, kuanzishwa kwa programu yetu ya Motisha ya Uendeshaji itasimama kama ushuhuda wa imani yetu kubwa. Mpango huu umejitolea kuheshimu na kutoa shukrani zetu kwa utekelezaji usioyumba, bidii, na huduma ya kipekee inayotolewa mara kwa mara na madereva na waendesha boda boda wetu wanaofanya vizuri zaidi.

Vitu muhimu vya programu za zawadi kwa Ushiriki wa Dereva ni pamoja na:

Zawadi na Faida ya Kila Mwezi na Kila Robo ya mwaka: Madereva wanaoonyesha ubora katika huduma yao mara kwa mara watastahiki zawadi za kila mwezi na robo mwaka na kunufaika zaidi, ikiwa ni pamoja na vocha za mafuta, simu, vocha za ununuzi na vifaa vya nyumbani.

Ujenzi wa Jamii: Bolt itawezesha mikutano na matukio ya madereva kama vile siku za kufurahia pamoja na familia zao na shughuli za michezo, kukuza umoja kati ya madereva na kuwapa fursa za kuungana na kubadilishana uzoefu.

Kama sehemu ya dhamira yake inayoendelea ya kuimarisha uhusiano wa madereva na kukidhi matarajio ya madereva kuhusu kushughulikia masuala mbalimbali, Bolt ilizindua Kituo cha Uhusiano wa Madereva mwezi Juni, kilichopo Mtaa wa Maji Maji 30 jijini Dar es salaam. Lengo la kituo hicho ni kwa ajili ya mambo ya msingi, kuhakikisha usimamizi mzuri na usio na mipaka ya masuala ya madereva. 

Uzinduzi huo uliimarisha kwa kiasi kikubwa kwa manufaa mengi yanayopatikana kwa madereva, ikijumuisha usaidizi ulioimarishwa, njia zilizoboreshwa za mawasiliano, kutoa mafunzo, mipango ya kujenga jamii, utatuzi mzuri wa masuala, utambuzi wa madereva, na kuimarisha chapa.

Bolt inaamini kuwa mpango huu hautainua tu ubora wa huduma kwa ujumla lakini pia kuchangia katika kurejesha imani miongoni mwa abiria wake. Pia kama kiongozi wa tasnia, inasisitiza zaidi msimamo wake kwa kutoa shukrani zake za dhati kwa michango ya thamani ya madereva na abiria wake, ambayo inasalia kuwa ni sehemu ya msingi wa shughuli zake.

Dereva wa Bolt Rashid Yusuf Kengo akionyesha Simu Janja aliyojishindia kwenye kampeni inayoendelea ya "Drive for a prize" kutoka kampuni ya Bolt. Kushoto ni Meneja Uendeshaji Bolt, Munira Ruhwanya

Meneja Uendeshaji Bolt, Munira Ruhwanya akimkabidhi zawadi ya Vocha ya kujaza mafuta bure mmoja kati ya madereva, Samson Ngehamba aliyojishindia kwenye kampeni inayoendelea ya "Drive for a prize" kutoka kampuni ya Bolt

Meneja Uendeshaji Bolt, Munira Ruhwanya akimkabidhi zawadi ya simu janja mmoja kati ya madereva, Said Mohamed Said aliyojishindia kwenye kampeni inayoendelea ya "Drive for a prize" kutoka kampuni ya Bolt. Hafla ya makabidhiano yalifanyika jijini Dar es salaam.
Meneja Uendeshaji Bolt, Munira Ruhwanya akimkabidhi zawadi ya Vocha ya kujaza mafuta bure mmoja kati ya madereva, Ridhiwani Swabri aliyojishindia kwenye kampeni inayoendelea ya "Drive for a prize" kutoka kampuni ya Bolt.