Serikali ya Marekani na Tanzania Zasherehekea Mafanikio ya Mwaka wa Kwanza wa Mradi wa USAID Feed the Future Unaowawezesha Vijana wa Kijiji cha Ugwachanya

Mkurugenzi wa Fair Agro Suleiman Sharif akitoa ufafanuzi wa bidhaa za kampuni hiyo wakati wa maonesho ya Kilimo Tija Mwaka 1 Ugwachanya Halmashauri ya Wilaya ya Iringa.

Angelo Peter, mtaalamu wa biashara wa Kilimo kijijini, akitoa elimu kwa wakulima juu ya zana za kujikinga na mazao mengine ya kilimo wakati wa maonyesho ya Kilimo Tija Mwaka 1 Ugwachanya, Halmashauri ya Wilaya ya Iringa.

Leo, Shirika la Marekani la Maendeleo ya Kimataifa (USAID) limeadhimisha mwaka wa

kwanza wa mafanikio ya mradi wa USAID Feed the Future Tanzania wa Kilimo Tija katika kijiji

cha Ugwanchanya wilayani Iringa.

Hafla hiyo iliyohudhuriwa na Mkuu wa Wilaya ya Kilolo Bw. Peres Magiri, anayekaimu nafasi

ya Mkuu wa Mkoa wa Iringa Bi. Halima Dendego, wawakilishi kutoka USAID, viongozi wa

Serikali ya Tanzania, wawakilishi wa sekta binafsi na wakulima ilionesha mafanikio ya mradi

huo kwa kuwashirikisha vijana katika kilimo cha bustani chenye faida, na umuhimu wa kutumia

mbinu bora na tekinolojia pamoja na jamii kupitia ushirikiano na serikali, sekta binafsi na

mamlaka za mitaa.

“Bila msaada kutoka sekta binafsi, jumuiya za wakulima, na serikali ya Tanzania, mradi huu wa

USAID usingefanikiwa,” alisema Mratibu wa USAID Feed the Future Dk. Tor Edwards. “Ubia

wetu unalenga kusaidia biashara ndogo ndogo na za kati 2,500 za Kitanzania (MSMEs)

kuwekeza zaidi ya dola milioni 20 na kuzalisha ajira 7,400, hasa kwa vijana.”

Katika mwaka wa kwanza, mradi ulitoa ruzuku 100 zenye jumla ya TZS 727 milioni, ikiwemo

zaidi ya TZS 178 milioni kwa walengwa 22 kutoka mkoa wa Iringa. Ruzuku hizi ziliwezesha

upatikanaji wa bidhaa kama vile vifaa vya umwagiliaji kwa njia ya matone, pampu za maji, na

kreti za kuvuna ili kusaidia biashara na wakulima wadogo wa kilimo cha bustani. Kutokana na

hali hiyo, vikundi vinavyoongozwa na vijana kikiwemo Kikundi cha Agrarian cha Kilimo katika

kijiji cha Ugwachanya vimefanikiwa kufuata kanuni bora za kilimo, ambazo zimenufaisha

kikundi chao na jamii zinazowazunguka.

Lengo la mradi wa USAID Feed the Future Kilimo Tija ni kubadilisha sekta ya kilimo cha

bustani nchini Tanzania kuwa kituo chenye nguvu kikanda, kutengeneza fursa za kiuchumi na

ajira kwa vijana. 

Katika kipindi cha miaka mitano cha utendaji (2022-2027), mradi wa Kilimo

Tija wenye thamani za dola milioni 38 utalenga mikoa katika Ukanda wa Kukuza Uchumi wa

Kilimo Kusini mwa Tanzania, pamoja na visiwa vya Unguja na Pemba. 

Lengo kuu la mradi huu

ni kuongeza fursa za kiuchumi katika mifumo ya soko la kilimo cha bustani, kwa kuzingatia

vijana, ukifanya kazi na vyama vya umma na sekta binafsi, taasisi zinazoongozwa na vijana na

wanawake, na mamlaka za serikali za kitaifa na za mitaa.