Vijana ndio wanaokimbia watoto kwa madai ya kuto kujiandaa asema RC Mtaka

Njombe

Mkuu wa mkoa wa Njombe Anthony Mtaka amesema serikali ya mkoa huo inakwenda kuzungumza na wazazi wapya ili wajue nini maana ya kuwa mzazi lengo ikiwa kupunguza udumavu pamoja na vitendo vya ukatili mkoani humo.

Mtaka amebainisha hayo mkoani humo kwenye kikao cha uongozi wa mkoa kilichokuwa na lengo la kujadili mpango madhubuti juu ya udhibiti ugonjwa wa malaria na ugawaji wa vyandarua 45,107 kwa wanafunzi wote wa shule za msingi kuanzia darasa la kwanza mpaka la sita kwa halmashauri mbili za wilaya ya Ludewa na Njombe ambazo zinaongoza kwa maambukizi ya malaria mkoani humo.

Amesema vijana ndio wenye changamoto kubwa wanapoambiwa wamesababisha mimba hali inayosababisha kukataa ujauzito kwa madai ya kuto kujiandaa bila kujua hali hiyo ndio inayosababisha ukatili mkubwa.

"Hawa (vijana) ndio wanaopata changamoto na mabinti ujauzito ni wa kwako aaa! mimi sijajiandaa mtoto amebaki ametelekezwa kwa hiyo tunataka tuongee na hawa wazazi wapya ili ajue namna ya kuwa mzazi ni nini"amesema RC Mtaka