Kaimu Katibu Mkuu wa Wizara ya Utamaduni, Sanaa na Michezo Bw. Nicholas Mkapa (kushoto) amesaini Mkataba wa Ushirikiano na Bw. Mwesiga Selestine ambaye ni Mkurugenzi wa Kampuni ya Drum Beats Carnival Tanzania Limited kuhusu ushirikiano katika uendeshaji wa Tamasha la Kitaifa la Utamaduni ambalo hufanyika kila mwaka nchini.
Hafla hiyo imefanyika Machi 25, 2024 katika Ofisi za Wizara Mtumba Jijini Dodoma na kushuhudiwa na baadhi ya Viongozi wa Wizara hiyo.
Akizungumza mara baada ya kusaini Mkataba huo, Naibu Katibu Mkuu Mkapa amesema Mkataba huo ni mwanzo mzuri wa kushirikiana na Sekta binafsi katika kuendesha matamasha ya wizara hiyo pia kupanua wigo kwa wadau wa sekta binafsi kushiriki kikamilifu katika uendeshaji wa matukio ya kijamii.
Kwa upande wake mwakilishi wa Kampuni hiyo Bw. Mwesiga amesema Kampuni hiyo itahakiksha Tamasha hilo linafanyika kwa ufanisi na kukidhi mahitaji ya wizara katika kutoa furaha kwa watanzania.
Tamasha la tatu la Utamaduni linatarajiwa kufanyika mwezi Agosti, 2024 Mkoani Ruvuma.
.jpeg)
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...