Kobe Motor yasheherekea mafanikio ikiwatuza wateja

Na Mwandishi Wetu

KAMPUNI ya kuuza magari yaliyotumika kutoka Japan ya Kobe Motor, imetoa zawadi mbalimbali kwa wateja wake, ikiwa ni sehemu ya kuimarisha uhusiano na wateja pamoja na kusherehekea mafanikio yake.

Ikiwa ni moja kati ya makampuni makubwa ya Kijapan yanayoongoza kwa kuuza magari kwa ajili ya matumizi binafsi na ya kibiashara sehemu mbalimbali duniani, Kobe Motor tayari imeshauza magari zaidi ya 150,000 hapa Tanzania.

Akiongea wakati wa hafla ya chakula cha jioni iliyoandaliwa na kampuni hiyo kwa wateja wake, Mkuu wa Kitengo cha Masoko, Ken Aoki, alisema mafanikio ambayo kampuni imeyapata ni kutokana na wateja wake walio waaminifu.

“Leo tunajivunia kampuni yetu kutokana na ukubwa wake pamoja na uwezo wa kuwafikia maelfu ya wateja hapa Tanzania na sehemu nyingine duniani. Mafanikio haya tunayojivunia yamepatikana kutokana na wateja hawa ambao leo tumejumuika pamoja kusherehekea mafanikio,” alisema mkuu huyo wa masoko.

Hafla hiyo iliyoambatana na burudani mbalmbali, ilichezeshwa droo na wateja wa Kobe Motor walijishindia zawadi mbalimbali kama simu za mkononi, tablet na komputa mpakato (lap top), ilifanyika jijini Dar es Salaam.

Mmoja wa wateja wa kampuni hiyo, Dallas Mulamba, alisema amekuwa akifanya biashara na Kobe Motor kwa miaka zaidi ya mitano na kwamba huduma bora za kampuni hiyo, zimemsaidia kukuza biashara yake.

“Biashara ya kuagiza magari ina changamoto zake kwa kuwa unaagiza kwa kuona picha tu. Wakati mwingine picha hudanganya na makampuni yasiyo na uaminifu hutuma picha nzuri lakini gari likifika hali inakuwa tofauti.

"Nikiagiza magari kutoka Kobe Motor huwa sina shaka maana unachokiona kwenye picha ndicho utakachokipokea,” alieleza.

Katika hatua nyingine hiyo ilitangaza kuwa imeanzisha huduma ya kuuza magari kwa mfumo wa mteja kutoa asilimia 35 ya thamani ya gari na kiasi kilichobaki anaweza kulipa kwa kipindi cha mwaka mmoja hadi miwili.

Lengo la mpango huo ni kuwawezesha wateja wenye mahitaji ya magari lakini hawana fedha za kulipa mara moja, kupata magari ya ndoto zao.
 

Mkuu wa Masoko wa Kobe Motor, kampuni inayouza magari yaliyotumika kutoka Japan Ken Aoki ( kulia) akiwa na Muhammed Fahmi (kushoto) ambaye ni afisa mwandamizi mauzo wa kampuni hiyo, wakiwa katika picha ya pamoja na baadhi ya wateja, muda mfupi baada ya hafla ya chakula cha jioni iliyoandaliwa na kampuni hiyo kwa ajili ya wateja wake. 

Mkuu wa Masoko wa Kobe Motor, kampuni inayouza magari yaliyotumika kutoka Japan, Ken Aoki (wa pili kushoto) akimkabidhi mmoja wa wateja wa kampuni hiyo, Ucaya Awanga, zawadi alipoibuka mshindi katika droo iliyofanyika jijini wakati wa chakula cha jioni kilichoandaliwa na kampuni hiyo, kwa ajili ya wateja wake. Kushoto ni Muhammed Fahmi, ambaye ni afisa mauzo mwandamizi wa Kobe Motor.