TANTRADE yachaguliwa kuwania Tuzo za Mashirika ya kukuza Biashara Duniani

MAMLAKA ya Maendeleo ya Biashara Tanzania (TANTRADE) imechaguliwa kuwa miongoni mwa mashirika manane yatakayowania tuzo ya kimataifa ya kukuza biashara kwa mwaka 2024.

Taarifa ya Kaimu Mkurugenzi Mkuu wa TANTRADE, Yusuph Tugutu iliyotolewa leo tarehe 29 Septemba 2024 imesema kuwa Mamlaka hiyo imepita kwenye mchujo mkali wa Shirika la Kukuza Biashara Duniani (WTPO) na Kituo cha Biashara ya Kimataifa (ITC) kwa kutumia kigezo utendaji bora wa vitendo vya shirika la kukuza biashara katika kutekeleza mikakati ya maendeleo ya uuzaji.

Mikakati hii inalenga kujenga uwezo wa biashara zinazouza nje katika muda wa kati na mrefu.

Tugutu amesema kuwa Tantrade ni miongoni mwa washiriki watatu waliochaguliwa katika kipengele cha 'Matumizi Bora ya Teknolojia ya Habari' kwa jitihada zake za kuanzisha Jukwaa la Biashara la Tanzania lililozinduliwa tarehe 8 Julai 2021.

Tugutu ameeleza kuwa Mamlaka hiyo inatambuliwa kwa uwezo wake wa kuimarisha ushindani wa biashara ya Tanzania kimataifa. "Tuna fahari na mafanikio haya hadi sasa na tunatarajia matokeo chanya," amesema..

Amesema kuwa tayari Tantrade imewezesha 70 za Tanzania kutambulika kimataifa na inakusudia mpaka kufika 2026 kuzitambulisha kwenye soko la dunia zaidi ya bidhaa 200.

Bidhaa muhimu zinazouzwa nje ni pamoja na kahawa, parachichi, karanga, karafuu, na mbegu za sesami. Jukwaa hilo lina watumiaji zaidi ya 400,000.

Kauli mbiu ya Tuzo hizo ni 'Ubora katika Mikakati ya Maendeleo ya Uuzaji'. Wenzake walichagua wagombea kwa ubunifu na ubora wao katika huduma za maendeleo ya biashara.