AFYA YA AKILI NA MWILI KWA WANAUME; TUONGEE,TUPIME ,TUIMARIKE

Na Mwandishi Wetu

KATIKA kuadhimisha Mwezi wa Uhamasishaji waAfya kwa Wanaume, ni muhimu kutambua kuwawanaume ni nguzo muhimu katika familia, jamii, na maeneo ya kazi hapa Tanzania. Hata hivyo, wengi wao huenda hospitalini tu pale hali ya afyainapoendelea kuwa mbaya.

Mazungumzo kuhusumsongo wa mawazo, afya ya akili au vipimo vyakawaida vya afya bado ni machache, mara nyingikwa sababu ya imani kuwa mwanaume mwenyenguvu hatakiwi kulalamika.

Ukimya huu una athari. Magonjwa ambayo hayajatambuliwa mapema, msongo wa mawazo usiodhibitiwa, na kuchelewa kutafuta matibabuhusababisha afya kuzorota zaidi.

Kitaifa, hali hiyo huathiri uzalishaji, kuongeza gharama za matibabu, na kuzuia maendeleo ya kiuchumi. Kwa ufupi, wanaume wenye afya bora hujenga familia imara na uchumi wenye nguvu.

Akieleza zaidi Dk.Harold Adamson ambaye ni Ofisa Mtendaji Mkuu, Jubilee Health Insurance anasema ili kuvuka vizingiti hivi, tunapaswa kubadili maanaya "nguvu." Nguvu ya kweli ni kujali afya yako, yaani, kupima afya, kudhibiti msongo wa mawazo, kuuliza maswali na kutafuta msaada bila woga wakuhukumiwa. Mabadiliko haya ya fikra yanahitajihatua za vitendo kutoka sekta zote.

Anasema kwa mahali pa kazi ni mwanzo mzuri waajiri wanaweza kuanzisha programu za afya kazini, kutoa bimarafiki ya afya, na kuhimiza mazungumzo ya wazikuhusu afya. Viongozi wa kijamii na kidini pia wananafasi ya kubadilisha mitazamo na kuhimizawanaume kutafuta huduma za afya mapema.

“Hapa Jubilee Health Insurance, tunashughulikia changamoto hii kupitia mpango wa Maisha Fiti. Mpango huu unawapa wanaume nafasi salama najumuishi ya kuzungumza wazi kuhusu afya yao, kuelewa hatari zinazowakabili, na kuchukua hatuaza kuboresha afya ya mwili, akili, na hali yao yakifedha.

“Kwa kutambua uhusiano mkubwa kati yauthabiti wa kifedha na afya kwa ujumla, Maisha Fitipia huwasaidia wanaume kuwa na uthabiti katikanyanja zote za maisha.

“Zaidi ya hayo, tunatoa huduma za bima ya afyaambazo ni nafuu na rahisi kufikiwa, kulingana namahitaji ya jamii. Kwa kuondoa vikwazo vyakifedha, tunawapa wanaume nafasi ya kupatamatibabu mapema, kuanza tabia za kujikinga, nakudhibiti afya zao kwa njia bora.Kuboresha afya ya wanaume si suala la hospitali tubali ni kipaumbele cha maendeleo.

“Wanaume wanapokuwa na afya, familia huimarika, watotohupata msaada bora, na taifa husonga mbele kwakasi. Wanaume wenye afya ni wenye tija, wapokwa ajili ya familia zao, na wana uwezo wa kuletamabadiliko chanya.”

Akieleza zaidi anasema lakini mabadiliko huanza kwa hatua ndogo kamakupanga kupima afya, kuzungumza na rafiki, kujiunga na vikundi vya afya, au hata kupumzikapale inapohitajika. Hatua hizi ndogo hujengamsingi wa kizazi kipya cha wanaume wenye afyana fikra sahihi.

Pia wanapoangalia maendeleo ya Tanzania, ni muhimu kuweka afya ya wanaume katika mstari wa mbele. Hiyo inamaanisha kuvunja miiko ya kitamaduni, kutoa huduma nafuu na jumuishi, na kuwekamazingira salama ya kuzungumza kuhusu afya. Kuwajali wanaume si udhaifu, bali ni hekima.Tuko kwenye kipindi cha mabadiliko.

“Kwa msaada sahihi, wanaume wanaweza kuchukua hatua juu yaafya zao na kuinua wale waliowazunguka. Na ujumbe uwe wazi: Kutafuta msaada ni nguvu. Kuzungumza kuhusu afya ni hatua ya mbele. Kuishi kwa ukamilifu kimwili, kiakili na kiroho ndiyouwekezaji mkubwa zaidi mwanaume anawezakufanya.”