📌Bagamoyo, Pwani
24 Septemba 2025:
🆕Mgombea ubunge wa Jimbo la Chalinze kupitia Chama Cha Mapinduzi (CCM), Mheshimiwa Ridhiwani Kikwete, ameshiriki mkutano mkubwa wa kampeni uliofanyika katika kata ya Lugoba, wilayani Bagamoyo, ambapo alipokelewa kwa shangwe na hamasa kubwa kutoka kwa wananchi wa eneo hilo.
Katika mkutano huo uliojaa shamrashamra, Mheshimiwa Ridhiwani aliungana na Diwani wa kata ya Lugoba na mgombea udiwani kwa tiketi ya CCM, Cde. Godfrey Naibala, pamoja na viongozi wa chama, wanachama, na wakazi wa Lugoba. Viongozi hao walitoa wito kwa wananchi kuendelea kuiamini CCM na kuwachagua wagombea wake katika nafasi za Urais, Ubunge na Udiwani.
Akihutubia hadhara hiyo, Mheshimiwa Ridhiwani Kikwete alisisitiza dhamira yake ya kuendeleza utumishi wa umma kwa uwazi, uwajibikaji, na ushirikiano wa karibu na wananchi. Alieleza kuwa lengo lake ni kuhakikisha kila mwananchi wa Chalinze anafikiwa na huduma bora zinazostahili.
“Tunahitaji mshikamano wa kweli ili kuijenga Chalinze mpya yenye huduma bora, miundombinu ya kisasa, na fursa za ajira kwa vijana wetu,” alisema Ridhiwani.
Aliongeza kuwa Ilani ya CCM ya mwaka 2025–2030 imejikita katika kupeleka maendeleo kwa usawa kati ya vijiji na miji, ikilenga kuboresha huduma za jamii kama elimu, afya, maji safi na salama, barabara, na mifumo ya kilimo chenye tija.
Wananchi waliopata nafasi ya kuhudhuria mkutano huo walifafanuliwa kwa kina kuhusu vipengele vya Ilani ya CCM, vikiwemo kuimarisha elimu na afya, ujenzi wa barabara, miradi ya maji, uwezeshaji wa vijana na wanawake kiuchumi, pamoja na kuendeleza kilimo cha kisasa.
Kwa upande wake, Cde. Godfrey Naibala aliahidi kuendeleza ushirikiano wa karibu na wananchi wa Lugoba na kusimamia utekelezaji wa miradi ya maendeleo kwa vitendo. Alitoa wito kwa wananchi kujitokeza kwa wingi siku ya uchaguzi ili kuilinda na kuendeleza mafanikio yaliyopatikana kupitia serikali ya CCM.
Mkutano huo ulipambwa na burudani za ngoma za asili, nyimbo za kuhamasisha amani, pamoja na salamu mbalimbali kutoka kwa viongozi wa chama waliowahimiza wananchi kushiriki kikamilifu katika mchakato wa uchaguzi kwa amani na utulivu.
Wakazi wa Lugoba walionesha imani yao kwa CCM na wagombea wake, wakitaja mafanikio mbalimbali yaliyopatikana katika kata yao, ikiwa ni pamoja na ujenzi wa shule, zahanati, miradi ya maji safi, na barabara zinazounganisha vijiji na vitongoji.
“Tumekuwa tukiona mabadiliko kupitia serikali ya CCM, na tunaamini kwa kumpa Mheshimiwa Ridhiwani na viongozi wenzake nafasi tena, tutajenga Lugoba na Chalinze imara zaidi,” alisema mkazi mmoja wa kijiji cha Miono.
Mkutano huo ulifungwa kwa wito wa kudumisha amani, mshikamano, na moyo wa uzalendo kuelekea uchaguzi mkuu wa Oktoba 2025, huku CCM ikisisitiza kuwa itaendelea kuwa chama cha matumaini, maendeleo, na mshikamano wa kitaifa.
#OktobaTuna✅
#ChaguaSamia
#Chagua Ridhiwani
#KazinaUtuTunasongaMbele
#ChalinzeYetuMaendeleoYetu
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...