Hali ya Maambukizi ya Virusi vya UKIMWI kwa mkoa wa Geita imepungua kutoka asilimia 4.9 ya mwaka 20121/2022 mpaka asilimia 4.3 ya mwaka 2025.
Hayo yamebainishwa katika maadhimisho ya siku ya ukimwi duniani yaliyofanyika katika kijiji cha Lwamgasa halmashauri ya wilaya ya Geita mkoani Geita ambapo halmashauri hiyo imetajwa kuchochea maambukizi haya.
Akiongea na wananchi wa Lwamgasa Afisa Maendeleo wa Mkoa wa Geita, Bi. Martha Kaloso, alisisitiza umuhimu wa jamii hususani vijana kujengewa uelewa wa kutosha kuhusu mbinu sahihi za kujikinga na maambukizi ya maambukizi ya virusi vya UKIMWI.
Aidha Bi. Kaloso alieleza kuwa mabadiliko ya tabia, mawasiliano ya wazi katika familia, upatikanaji wa huduma rafiki kwa vijana na kuondoa unyanyapaa ni nguzo muhimu katika mapambano ya UKIMWI.
"kuendelea kusambaza elimu ya kujikinga na maambukizi mapya na kutowanyanyapaa watu wenye maambukizi ya virusi vya Elimu hii inatakiwa kusambazwa kwa upendo kwa watu wengine kwa kuwashauri na kuwasisitiza watu wengine kujitokeza kupata elimu ya maambukizi haya " alisema Bi.Kaloso"
Katika upande mwingine Katika maadhimisho hayo, wataalamu wa afya walitoa elimu juu ya njia salama za kujikinga, ikiwemo matumizi sahihi ya kondomu, kupima kwa hiari na kujua hali yako, kutokutumia sindano kwa pamoja,
Maadhimisho haya yalitoa wito mpya wa kuendelea kuhimiza ushirikiano wa jamii nzima katika kupunguza maambukizi, kuimarisha mwitikio na kuunga mkono juhudi za serikali na wadau katika kufikia kizazi kisicho na UKIMWI.
Maadhimisho ya Siku ya UKIMWI Duniani kimkoa yamefanyika tarehe 29 Novemba 2025 katika viwanja vya Sekondari Isangilo, Lwamgasa, yakiwaleta pamoja wadau mbalimbali wa afya, viongozi wa serikali, vijana na wakazi wa maeneo ya jirani kujadili namna ya kukabiliana na maambukizi mapya ya Virusi vya UKIMWI, huku msisitizo mkubwa ukiwekwa kwa vijana, hasa wa kike.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...