Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete, ameitaka Chuo cha Utumishi wa Umma Tanzania kuendelea kufanya tafiti zinazolenga kutatua changamoto za muda mrefu zinazoukumba utumishi wa umma nchini, ili kuleta tija zaidi katika utekelezaji wa dira ya maendeleo ya mwaka 2050.
Amesema hayo wakati wa mahafali ya 42 ya Chuo cha Utumishi wa Umma yaliyofanyika leo, tarehe 28 Novemba 2025, katika Ukumbi wa Kimataifa wa Julius Nyerere, jijini Dar es Salaam.
Mhe. Kikwete ameongeza kuwa, ni muhimu kwa menejimenti ya Chuo kujipambanua vyema katika utoaji wa mafunzo ya muda mrefu, ili kuhakikisha malengo yaliyowekwa kwenye dira ya maendeleo ya 2050 yanapatikana kikamilifu. Aidha, ameelekeza chuo kuimarisha zaidi ushirikiano na sekta mbalimbali ili kuhakikisha wanachuo wanapata mafunzo yanayozingatia mahitaji halisi ya soko la ajira na maendeleo ya taifa kwa ujumla.
Waziri Kikwete pia amesisitiza wahitimu kuendelea kujifunza hata baada ya kuhitimu ili kukidhi mabadiliko yanayojitokeza kila wakati. Ameeleza kuwa, wahitimu wanapaswa kuwa mabalozi wa maadili, uzalendo, na weledi katika sekta za umma na binafsi, ili kuleta maendeleo endelevu.Aidha, amewapongeza bodi, menejimenti, na watumishi wa chuo kwa kusheherekea miaka 25 tangu kuanzishwa kwa chuo hicho, hatua inayothibitisha mafanikio makubwa katika kuendeleza uwezo wa watumishi wa umma, kukuza weledi, kuimarisha maadili ya utumishi wa umma, na kusimamia majukumu ya msingi katika kudhibiti rasilimaliwatu za Serikali.
Naye, Mwakilishi wa Katibu Mkuu wa Utumishi, Bw. Nolasco Kipanda, amesema kuwa, katika kipindi cha miaka 25, chuo kimepiga hatua kubwa ikiwemo kuongezeka kwa kampasi kutoka mbili hadi sita, na hivyo kusogeza huduma karibu na watumishi. Ameongeza kuwa, wigo wa kozi za muda mrefu umeongezeka hadi kufikia ngazi ya shahada ya kwanza, huku mafunzo ya muda mfupi yakiboreshwa, matumizi ya teknolojia ya habari na mawasiliano yakiimarishwa, na miundombinu kuimarika kwa kujenga kampasi mpya za Singida na Tanga. Pamoja na hayo, chuo kimeendeleza shughuli za tafiti, machapisho, na ushauri wa kitaalamu unaochochea maboresho katika sekta ya umma.
Akizungumza kuhusu utekelezaji wa majukumu ya chuo, Mkuu wa chuo na Afisa Mtendaji Mkuu, Dkt. Ernest Mabonesho, amesema kuwa chuo kinaendelea kutekeleza majukumu yake muhimu ikiwemo kutoa mafunzo, kufanya tafiti, kutoa ushauri wa kitaalamu, na kusimamia miradi ya maendeleo.
Amebainisha kuwa, jumla ya wahitimu 6,956 wamepata vyeti vyao vya taaluma na fani mbalimbali, huku mafunzo ya muda mfupi kwa watumishi wa umma yakifanyika kwa mafanikio makubwa, ambapo katika mwaka wa fedha wa 2024/2025, chuo kimewafikia jumla ya watumishi 12,189. Aidha, chuo kimekamilisha jumla ya tafiti nane (08) zinazohusu masuala mtambuka yanayohitaji usaidizi wa kitaalamu katika sekta ya utumishi wa umma..jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...