Msimu Wa Sikukuu Waanza Rasmi: Vodacom Yaiburudisha Magomeni kwa Zawadi na Upendo

Vodacom Tanzania PLC imezindua rasmi Msimu wa Sikukuu za Mwisho wa Mwaka kwa kushirikiana na wateja wake na wafanyabiashara, wakiwasilisha furaha ya msimu huu kupitia makapu ya sikukuu. 

Katika hafla iliyofanyika Magomeni Sokoni, Vodacom ilitoa zaidi ya makapu 20 yaliyojaa mahitaji muhimu ya sikukuu ikiwa ni ishara ya kusherehekea pamoja na wateja wake.

 Kampeni hii pia ni sehemu ya mpango mkubwa wa Vodacom wa kutembelea mikoa mingine nchini ikiwemo Mwanza, Dodoma, Arusha na Mbeya, ili kuhakikisha furaha ya sikukuu inawafikia wateja kote nchini.

Brigita Shirima, Mkurugenzi wa Biashara na Masoko wa Vodacom Tanzania, alisema, “Kupitia kampeni hii, tunarudisha kwa jamii huku tukisherehekea wateja wetu ambao wamekuwa nasi siku zote. 

Tunataka kila mteja na mfanyabiashara afurahie msimu huu wa sikukuu na kuhisi thamani ya kushirikiana na Vodacom.”

Mbali na makapu ya sikukuu, Vodacom inatoa ofa maalum kwa wateja wanaolipia kupitia M-Pesa na punguzo kwa wateja wa biashara za chini na za kati (SME), ikithibitisha dhamira yake ya kuunganisha watu na kuwezesha maendeleo ya kidijitali.

Kampeni ya msimu huu inathibitisha tena kujitolea kwa Vodacom kwa wateja wake na jamii kwa ujumla, huku ikijenga furaha na mshikamano katika kipindi hiki cha sikukuu.