Na Mwandishi Wetu
WANAFUNZI wa shule ya St Mary’s Tabata mwishoni mwa wiki walikonga nyoyo za wazazi kwa namna walivyoonyesha vipaji vya aina mbalimbali wakati wa tamasha la shule hiyo.
Wanafunzi hao walionyesha umahiri wa vipaji mbalimbali kuanzia vipaji vya taaluma na vipaji vya michezo ya aina mbalimbali ambapo baadhi ya wanafunzi hao walimudu kuimba nyimbo mbalimbali kwa lugha ya kichina.
Mgeni rasmi kwenye tamasha hilo alikuwa Mbunge wa Mlimba (CCM), Dk Kellen-Rose Rwalatare, ambaye pia ndiye Mkurugenzi wa shule za St Mary’s nchini.
Akizungumza kwenye tamasha hilo, Dk Rwakatare alisema kila mwaka wamekuwa wakiandaa matamasha kama hayo na mwaka huu shule hiyo inatimiza miaka 8 tangu kuanzishwa kwake.
Alisema wameamua kuwa na tamasha hilo ili kuonyesha vipaji mbalimbali ambavyo watoto wa shule hiyo wanavyo kuanzia vipaji vya kitaaluma, kuimba na kucheza nyimbo za makabila mbalimbali.
“Watoto wa St Marys wanafundishwa mambo mbalimbali kuanzia sayansi na teknolojia na wameonyesha vipaji vya aina mbalimbali kama ambavyo mmeshuhudia wenyewe kwenye maonesho ya leo,” alisema Dk Rwakatare
Alisema shule za St Mary’s zimejikita kufundisha kuendana na mabadiliko ya kiteknolojia duniani kwa kufundisha Teknolojia ya Habari na Mawasiliano TEHAMA ili kuendana na kasi ya ulimwengu kuhusu teknolojia.
Aidha, alisema shule hizo zimekuwa zikifanya vizuri kitaaluma kwa muda mrefu na kwa mwaka huu wanafunzi wake wote waliofanya mtihani wa darasa la saba wamefaulu kwa wastani wa alama A.
“Kwenye shule zetu zote wanafunzi wamepata wastani wa A sasa hii inaonesha ni kwa kiasi gani shule zetu ziko juu kitaaluma kwa hiyo tunaomba wazazi waendelee kutuamini kwa kutuletea watoto wetu wasome shule za St Mary’s,” alisema
Alisema shule hiyo imekuwa ikifundisha ujuzi wa aina mbalimbali kuendana na mitaala mipya ili wanafunzi wanapomaliza shule wawe na ujuzi wa kujiajiri kwenye fani mbalimbali badala ya kuhangaika kutafuta ajira.
WANAFUNZI wa shule ya St Mary’s Tabata mwishoni mwa wiki walikonga nyoyo za wazazi kwa namna walivyoonyesha vipaji vya aina mbalimbali wakati wa tamasha la shule hiyo.
Wanafunzi hao walionyesha umahiri wa vipaji mbalimbali kuanzia vipaji vya taaluma na vipaji vya michezo ya aina mbalimbali ambapo baadhi ya wanafunzi hao walimudu kuimba nyimbo mbalimbali kwa lugha ya kichina.
Mgeni rasmi kwenye tamasha hilo alikuwa Mbunge wa Mlimba (CCM), Dk Kellen-Rose Rwalatare, ambaye pia ndiye Mkurugenzi wa shule za St Mary’s nchini.
Akizungumza kwenye tamasha hilo, Dk Rwakatare alisema kila mwaka wamekuwa wakiandaa matamasha kama hayo na mwaka huu shule hiyo inatimiza miaka 8 tangu kuanzishwa kwake.
Alisema wameamua kuwa na tamasha hilo ili kuonyesha vipaji mbalimbali ambavyo watoto wa shule hiyo wanavyo kuanzia vipaji vya kitaaluma, kuimba na kucheza nyimbo za makabila mbalimbali.
“Watoto wa St Marys wanafundishwa mambo mbalimbali kuanzia sayansi na teknolojia na wameonyesha vipaji vya aina mbalimbali kama ambavyo mmeshuhudia wenyewe kwenye maonesho ya leo,” alisema Dk Rwakatare
Alisema shule za St Mary’s zimejikita kufundisha kuendana na mabadiliko ya kiteknolojia duniani kwa kufundisha Teknolojia ya Habari na Mawasiliano TEHAMA ili kuendana na kasi ya ulimwengu kuhusu teknolojia.
Aidha, alisema shule hizo zimekuwa zikifanya vizuri kitaaluma kwa muda mrefu na kwa mwaka huu wanafunzi wake wote waliofanya mtihani wa darasa la saba wamefaulu kwa wastani wa alama A.
“Kwenye shule zetu zote wanafunzi wamepata wastani wa A sasa hii inaonesha ni kwa kiasi gani shule zetu ziko juu kitaaluma kwa hiyo tunaomba wazazi waendelee kutuamini kwa kutuletea watoto wetu wasome shule za St Mary’s,” alisema
Alisema shule hiyo imekuwa ikifundisha ujuzi wa aina mbalimbali kuendana na mitaala mipya ili wanafunzi wanapomaliza shule wawe na ujuzi wa kujiajiri kwenye fani mbalimbali badala ya kuhangaika kutafuta ajira.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...