Mkuu wa Mkoa wa Iringa, Mhe. Kheri James, ameonesha kukerwa na kitendo cha Mkuu wa Shule moja mkoani humo aliyerudisha nyumbani wanafunzi waliochelewa kuleta rimu baada ya shule kufunguliwa, akibainisha kuwa uamuzi huo umekosa hekima na busara.
Akizungumza kuhusu hali ya lishe na upatikanaji wa chakula kwa wanafunzi shuleni, RC Kheri James amesema viongozi na watumishi wa umma wanapaswa kutumia busara katika maamuzi yao, hususan yanayogusa ustawi wa watoto.
Amehimiza kuachana na mtazamo wa kudhani kuwa wazazi na walezi wote wana uwezo sawa wa kiuchumi, akisisitiza kuwa hali za maisha hutofautiana na hivyo maamuzi yanapaswa kuzingatia uhalisia wa jamii.
Aidha, amewataka viongozi kuacha tabia ya kujisahau na badala yake waweke mbele maslahi ya wanafunzi, akisisitiza kuwa elimu ni haki ya msingi na changamoto ndogo za vifaa zisigeuzwe kuwa kikwazo cha watoto kupata elimu.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...