IMAMU KUTOKA MAKKA AWASILI NCHINI KUSHUHUDIA MASHINDANO YA TUZO YA KIMATAIFA UWANJA WA MKAPA KESHO TAREHE 5 APRILI

 Nchi 26 Duniani kesho Aprili 5,2026 zinatarajia kuingia katika kinyang'anyiro cha mashindano ya kusoma quran yanayotarajiwa kufanyika Tanzania katika Uwanja wa Benjamin Mkapa jijini Dar es Salaam.

Kufuatia mashindano hayo leo April 4,2026 Mufti Mkuu wa Tanzania Shekhe Abubakari Zuberi na jopo la kamati ya maandalizi wamepokea ugeni mkubwa kutoka Saudi Arabia kumpokea Imamu Mkuu wa Msikiti Mtakatifu wa Makka, Imamu Badri Al Turki.

Akizungumza na vyombo vya habari Imamu Mkuu wa Msikiti wa Makka Badri amesema amefurahi kufika nchi ya Tanzania inaonesha jinsi nchi za Afrika hasa Tanzania inavyopenda amani na kuendeleza Maendeleo ya dini kwa ujumla.

Kwa upande wake Mwenyekiti wa Jukwaa la Maimamu Tanzania(JUMADA) Imamu Suleiman Abdallah ametoa wito kwa Waislamu kote nchini kutumia fursa hiyo adhimu kumpokea mgeni huyo kuhudhuria katika mashindano hayo ikiwa na pamoja na kupata maombi ya imamu mkubwa duniani.

"Tukiwa kama Maimamu tumefurahi sana ujio Imamu Mkuu wa msikiti wa Makka sisi tutaitumia kama fursa" amesema Suleiman