Na Mwandishi wetu Dodoma
Serikali ya Tanzania imepiga hatua nyingine muhimu katika kuimarisha miundombinu ya usafiri baada ya kusaini mikataba ya ufadhili na ujenzi wa Reli ya Kisasa (SGR) kwa vipande vya Makutupora–Tabora (Lot 3) na Tabora–Isaka (Lot 4), kwa ushirikiano na mataifa ya Italy, Sweden na Poland.
Akizungumza katika hafla ya utiaji saini iliyofanyika leo Aprili 28, 2026, Waziri wa Uchukuzi, Profesa Makame Mbarawa, amesema mradi huo ni hatua ya kimkakati katika kukuza uchumi wa taifa na kuboresha huduma za usafiri nchini. Alieleza kuwa reli hiyo ya kisasa itaongeza ufanisi katika usafirishaji wa mizigo na abiria, sambamba na kupunguza gharama za usafiri.
Aidha, Profesa Mbarawa amesisitiza kuwa kukamilika kwa vipande hivyo kutachochea ukuaji wa biashara kwa kuunganisha mikoa ya kati na Kanda ya Ziwa. Hatua hiyo pia itarahisisha mawasiliano ya kiuchumi na nchi jirani, na hivyo kuifanya Tanzania kuwa lango muhimu la biashara katika ukanda huo.
Mradi wa SGR unaendelea kuwa kichocheo kikubwa cha maendeleo ya kiuchumi nchini, ukiwa na matarajio ya kupunguza muda wa safari, matumizi ya mafuta, pamoja na kupunguza uchafuzi wa mazingira. Reli hiyo ya kisasa pia inalenga kuongeza ushindani wa Tanzania kama kitovu cha usafirishaji katika Afrika Mashariki na Kati.
Zaidi ya hayo, utekelezaji wa mradi huu unatarajiwa kufungua ajira kwa maelfu ya Watanzania, kuongeza mapato ya ndani, na kuimarisha sekta nyingine kama utalii, biashara na viwanda. Hii inaonesha dhamira ya serikali ya kuendelea kuwekeza katika miradi mikubwa ya kimkakati yenye tija kwa maendeleo ya wananchi na taifa kwa ujumla.
.jpeg)
.jpeg)
.jpeg)
.jpeg)
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...