Makamu wa Rais wa Jamhuri ya Muungano wa Tanzania Mhe. Deogratius Ndejembi, ameweka wazi msimamo wa Serikali kuhusu shamba la Highland Estate wilayani Mbarali, mkoani Mbeya, lililofanyiwa uthamini wa Shilingi bilioni 30, akisisitiza kuwa fedha hizo zinazotolewa na Serikali ya Rais Dkt. Samia Suluhu Hassan hazipaswi kugeuka fursa ya kujinufaisha kwa watu wachache wenye nguvu za kiuchumi, huku wakulima wadogo waliokusudiwa kusaidiwa wakiendelea kuteseka.
Akiwasilisha salamu za Rais wa Jamhuri ya Muungano wa Tanzania Mhe. Dkt. Samia Suluhu Hassan, akiwa ziarani Rujewa mkoani Mbeya, Makamu wa Rais amesmea Serikali tayari imetoa Shilingi bilioni 10 kwa ajili ya malipo ya shamba hilo, lenye takribani hekari 6000, kwa lengo la kulirejesha chini ya usimamizi wa Serikali na kuwawezesha wakulima wadogo kulikodi kwa gharama nafuu, badala ya kuendelea kulipa kati ya Shilingi 600,000 na 700,000 kwa ekari katika maeneo mengine.
Katika hatua inayoonyesha kutoridhishwa na uwezekano wa wajanja kupenyeza majina yao kwenye orodha ya wanufaika, Makamu wa Rais amemwelekeza Waziri wa Kilimo kushirikiana na viongozi wa Mkoa, Wilaya, Vyombo vya Ulinzi na Usalama pamoja na Taasisi za Serikali kuwabaini wakulima halisi wanaostahili kunufaika na shamba hilo, huku akitaka hatua zichukuliwe dhidi ya yeyote atakayebainika kuhujumu mchakato huo.
Amesisitiza kuwa hakuna sababu ya kuwaonea huruma watu wanaotumia nafasi zao kujinufaisha wakati wananchi wa kawaida wanaendelea kuteseka, akionya pia dhidi ya watu wanaoweza kukodi mashamba hayo kwa bei nafuu kutoka Serikalini na kisha kuwakodishia wakulima wadogo kwa gharama kubwa.
Aidha, amemtaka Waziri wa Kilimo kuweka ukomo wa muda wa kukamilisha ugawaji wa maeneo hayo, akisisitiza kuwa wakulima wana familia za kuhudumia, watoto wa kusomesha na maisha yanayohitaji kuendelea.
Akijibu maelekezo hayo, Waziri wa Kilimo Mhe. Daniel Chongolo amemhakikishia Makamu wa Rais kuwa Serikali imekamilisha awamu ya kwanza ya malipo ya shamba hilo na inatarajia kukamilisha awamu mbili zilizosalia ndani ya miezi miwili, huku akiahidi kuimarisha utaratibu utakaohakikisha wakulima wadogo ndio wanaonufaika. Amesema shamba hilo halitagawiwa kwa wananchi kama umiliki wa moja kwa moja, bali litaendeshwa kwa mfumo wa ukodishaji wa msimu kwa gharama nafuu chini ya usimamizi wa Serikali.
Hata hivyo, Makamu wa Rais amesisitiza kuwa kasi ya utekelezaji lazima iendane na uadilifu, ili dhamira ya Rais Samia ya kuwasaidia wakulima waliopoteza maeneo yao kufuatia mabadiliko ya mipaka ya hifadhi isije ikatekwa na watu wenye maslahi binafsi, na kuwaacha walengwa halisi wakiendelea kusubiri haki yao.
Akiwasilisha salamu za Rais wa Jamhuri ya Muungano wa Tanzania Mhe. Dkt. Samia Suluhu Hassan, akiwa ziarani Rujewa mkoani Mbeya, Makamu wa Rais amesmea Serikali tayari imetoa Shilingi bilioni 10 kwa ajili ya malipo ya shamba hilo, lenye takribani hekari 6000, kwa lengo la kulirejesha chini ya usimamizi wa Serikali na kuwawezesha wakulima wadogo kulikodi kwa gharama nafuu, badala ya kuendelea kulipa kati ya Shilingi 600,000 na 700,000 kwa ekari katika maeneo mengine.
Katika hatua inayoonyesha kutoridhishwa na uwezekano wa wajanja kupenyeza majina yao kwenye orodha ya wanufaika, Makamu wa Rais amemwelekeza Waziri wa Kilimo kushirikiana na viongozi wa Mkoa, Wilaya, Vyombo vya Ulinzi na Usalama pamoja na Taasisi za Serikali kuwabaini wakulima halisi wanaostahili kunufaika na shamba hilo, huku akitaka hatua zichukuliwe dhidi ya yeyote atakayebainika kuhujumu mchakato huo.
Amesisitiza kuwa hakuna sababu ya kuwaonea huruma watu wanaotumia nafasi zao kujinufaisha wakati wananchi wa kawaida wanaendelea kuteseka, akionya pia dhidi ya watu wanaoweza kukodi mashamba hayo kwa bei nafuu kutoka Serikalini na kisha kuwakodishia wakulima wadogo kwa gharama kubwa.
Aidha, amemtaka Waziri wa Kilimo kuweka ukomo wa muda wa kukamilisha ugawaji wa maeneo hayo, akisisitiza kuwa wakulima wana familia za kuhudumia, watoto wa kusomesha na maisha yanayohitaji kuendelea.
Akijibu maelekezo hayo, Waziri wa Kilimo Mhe. Daniel Chongolo amemhakikishia Makamu wa Rais kuwa Serikali imekamilisha awamu ya kwanza ya malipo ya shamba hilo na inatarajia kukamilisha awamu mbili zilizosalia ndani ya miezi miwili, huku akiahidi kuimarisha utaratibu utakaohakikisha wakulima wadogo ndio wanaonufaika. Amesema shamba hilo halitagawiwa kwa wananchi kama umiliki wa moja kwa moja, bali litaendeshwa kwa mfumo wa ukodishaji wa msimu kwa gharama nafuu chini ya usimamizi wa Serikali.
Hata hivyo, Makamu wa Rais amesisitiza kuwa kasi ya utekelezaji lazima iendane na uadilifu, ili dhamira ya Rais Samia ya kuwasaidia wakulima waliopoteza maeneo yao kufuatia mabadiliko ya mipaka ya hifadhi isije ikatekwa na watu wenye maslahi binafsi, na kuwaacha walengwa halisi wakiendelea kusubiri haki yao.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...