helikopta ya chadema yawasili busanda

Na David Azaria Geita

ZIKIWA zimesalia siku nne kabla ya zoezi la upigaji wa kura kufanyika katika jimbo la Busanda wilayani Geita mkoani mwanza,Helikopta ya CHADEMA imewasili kwenye jimbo hilo kwa ajili ya kuendeleza kampeni za chama hicho na kuuteka mamia ya wananchi wa jimbo.

Helikopta hiyo iliwasili katika mji mdogo wa Katoro ambapo ndipo yalipo makao makuu ya jimbo la Busanda majira ya saa 8;05 mchana,na kutua kwenye kiwanja cha nyumba ya kulala wageni ya Twiga iliyopo mita 50 kutoka katika kituo kidogo cha polisi cha Katoro,ambapo ndipo walipofikia viongozi kadhaa wa chama hicho pamoja na wapiga Debe wao.

Kuwasili wa helikopta hiyo kuliuzizma mji wa Katoro na kuwafanya mamia ya wananchi kukimbia kuelekea katika viwanja hivyo kwa ajili ya kushuhudia kuwasili kwa helikopta hiyo,na mara baada ya kuwasili na viongozi wa chama hicho kuanza kushuka wakiongozwa na mwenyekiti wa CHADEMA Freeman Mbowe,mamia ya wananchi waliokuwa wamefurika kwenye eneo hilo walianza kushangilia kwa kunyoosha vidole viwili juu.

Kabla ya kutua katika eneo hilo Helikopta hiyo ilizunguka mji wa Katoro mara moja na baada ya viongozi hao kusalimiana na wananchi,baadhi ya viongozi wa CHADEMA waliondoka na helikopta hiyo kwa ajili ya kuanza kampeni huku zikiwa zimesalia siku nne tu kabla ya zoezi la upigaji wa kura kufanyika.

Habari kutoka ndani ya CHADEMA zimesema kwamba wakati Jumanne kilitarajia kufanya mikutano mitatu,kuanzia leo chama hicho kitakuwa kikifanya mikutano sita hadi siku ya mwisho ya kamepni ambayo ni Mei 23 mwaka huu