profesa mwandosya afungua mkutano wa maji vijijini

Waziri wa Maji na Umwagiliaji Prof.Mark J.Mwandosya akiwa katika picha ya pamoja na wadau mbalimbali wa maji waliopo katika Mkutano wa mwaka wa utekelzaji wa programu ya maji vijijini unaofanyika kwa siku mbili kuanzia Jumatatu katika kituo cha mikutano ya kimataifa cha AICC jijini Arusha
Waziri wa Maji na Umwagiliaji Prof.Mark J.Mwandosya akiwa na Mkurugenzi Muendeshaji wa Kituo cha Kimataifa cha Mikutano cha AICC Bwana Elishilia Kaaya(shoto) na maofisa wengine wakati akisindikizwa kuondoka katika kituo hicho baada kufungua rasmi Mkutano wa mwaka wa utekelezaji wa programu ya maji vijijini unaofanyika kwa siku mbili kuanzia Jumatatu jijini Arusha.

Waziri wa Maji na Umwagiliaji azindua mkutano wa Utekelezaji wa programu ya maji vijijijini

Waziri wa maji na Umwagiliaji Prof.Mark J.Mwandosya amesema lengo la kitaifa kuhusu upatikanaji wa huduma ya maji vijijini ni asilimia 65 ifikapo mwaka 2010.

Amesema hilo ni lengo la Milenia ,lengo namba saba ambalo ni lengo la kidunia kwamba ifikapo mwaka 2015 idadi iwe imepungua kwa nusu.

Waziri wa maji na Umwagiliaji Prof.Mark J.Mwandosya amesema hayo katika Mkutano wa siku mbili wa mwaka wa utekelezaji wa programu ya maji vijijini unaofanyika kwa siku mbili kuanzia Desemba 14 na 15, 2009 katika kituo cha mikutano ya kimataifa cha AICC jijini Arusha.

Pia ameongeza kuwa tafsiri ya kitaifa ya lengo la milenia ni asilimia 74 ya upatikanaji wa maji ifikapo mwaka 2015, na kwamba lengo kuu ni kwamba ifikapo mwaka 2020 kila mtanzania awe anaweza kupata maji safi katika umbali usiozidi mita 400 na iwe ni haki kwa Mtanzania kupata angalau lita 25 za maji kwa siku.

Amesema hadi kufikia mwaka 2008 asilimia 58.3 ya wananchi waishio vijijini waliweza kufikiwa na huduma ya maji na kuongeza kuwa juhudi za serikali katika kuyafikia malengo hayo zinafanyika katika utekelezaji wa programu ya maendeleo ya sekta ya maji.