NOTI MPYA ZINA UBORA NA VIWANGO VINAVYOKUBALIKA KIMATAIFA

Gavana wa Benki Kuu ya Tanzania (BOT) Prof. Benno Ndullu akitoa ufafanuzi kwa waandishi wa habari kuhusu noti mpya zinazotumika nchini leo jijini Dar es salaam ambapo amesema noti hizo zina ubora na viwango vya kimataifa na kuwataka wananchi wawe makini katika kufuatilia na kuzitambua alama muhimu za noti halali ikiwemo ile ya kutoa rangi pindi inaposuguliwa kwenye karatasi nyeupe. Kulia ni Mkurugenzi wa Huduma za Kibenki (BOT) Bw. Emmanuel Boaz.

Mkurugenzi wa mauzo Ukanda wa Afrika wa kampuni iliyohusika katika mchakato wa kutengeneza na kusambaza noti mpya za Tanzania Cranes Currency ya Sweden Bw. Peter Brown akisugua kwenye karatasi noti za nchi mbalimbali zikiwemo dola za Marekani ambazo zinatoa rangi ikiwa ni moja ya alama ya usalama inayozitofautisha na noti bandia inayopatikana pia kwenye noti mpya za Tanzania na kuwataka watanzania kutokuwa na wasiwasi juu ya ubora wa noti hizo.

Toleo jipya la noti za Tanzania, Marekani na Rwanda ambazo zina ubora na viwango vya kimataifa vinavyokubalika zikionyeshwa mbele ya waandishi wa habari (hawapo pichani) leo jijini Dar es salaam.

Mkurugenzi wa mauzo Ukanda wa Afrika wa kampuni iliyohusika katika mchakato wa kutengeneza na kusambaza noti mpya za Tanzania Cranes Currency ya Sweden Bw. Peter Brown akiwaonyesha waandishi wa habari utofauti uliopo wa noti ya zamani ya shilingi elfu kumi na noti mpya leo jijini Dar es salaam.