news alert: sheikh ponda ajeruhiwa morogoro

Taarifa ambazo bado kuthibitishwa kutoka Morogoro zinadai  kwamba Sheikh Issa Ponda (pichani) amejeruhiwa na kile kinachosadikwia kuwa ni risasi akitoka  kuhudhuria kongamano la kidini lililofanyika mjini humo na kuhudhuriwa na watu wa kada mbalimbali.

Inaelezwa kuwa Sheikh Ponda, ambaye naye alikuwa mmoja wa watoa mada, aliondoka baada ya kongamano kumalizika akiwa katika gari ndogo kabla ya kupatwa na mkasa huo.
Inaelezwa kuwa baada ya kujeruhiwa Sheikh Ponda alikimbizwa hospitali ya mkoa kwa ajili ya matibabu, ambako inasemekana hakukaa sana kwani alitoweka na jina lake halikuwahi kuandikikao wa kwenye daftari la wagonjwa wafikao hospitali.
Hadi sasa habari za uhakika kuwa amejeruhiwa kiasi gani na nani aliyemjeruhi  hazijapatikana. Kamanda  wa  polisi  wa  mkoa  wa  Morogoro,  Faustine Shilogile, amekanusha  madai  hayo  ya  kupigwa  risasi  kwa Sheikh Ponda  na  kueleza  kuwa  hali  ni  shwari  mkoani  Morogoro    kwa  sasa  baada  ya  machafuko  ya  muda  mfupi  mida  ya  jioni ya leo.
Kamanda Shilogile  amesema  kuwa  yeye  hajui hali yake maana polisi walizuia gari lake  ili wamkamate  kwa  tuhuma  za  uchochezi  zinazomkabili, lakini wananchi wakaanza kuwashambulia polisi   na  wakafanikiwa  kumtorosha kupitia mlango wa uwani wa hospitali ya mkoa.

Amesema baada  ya  shambulio hilo, Polisi  walilazimika  kurusha risasi hewani kuwatawanya wananchi. Kamnada Shilogile anatoa  wito  kwa  mtu  yeyote  anayejua  alipo  Ponda awaarifu  polisi  mapema