polisi

Kwa Watanzania wote.

Kwanza napenda kulishukuru Jeshi la Polisi Tanzania kwa kuanzisha website yake mpya hii ni hatua muhimu sana kwa Taifa. Kwa mujibu wa msemaji wa Jeshi la Polisi website hii itatumika kwa madhumuni ya kujua habari nyingi za Jeshi la Polisi na vilevile kutoa fursa kwa watanzania kutoa habari za wahalifu na wala rushwa kwa hatua za utekelezaji.

Lakini katika uzoefu wangu websites nyingi zilizofunguliwa kipindi cha nyuma karibu zote hazifanyi kazi kwa mfano Wizara zote za Tanzania hazina websites na kama zinazo hakuna kitengo kinachoshughulika kubadilisha taarifa mara kwa mara. Kwa mfano websites za Wizara za Maliasili na Miundombinu ambazo ni muhimu sana katika taarifa za Nchi kwamara ya mwisho zilibadilishwa mwaka 2006.

Ninashauri kama tunataka websites hizi zifanye kazi vizuri kuwe na webmaster aliyesomea kazi hiyo ambaye atakuwa anatoa habari na kupokea maoni kwa wasomaji kila siku tukifikia hapo ndio kutakuwa umuhimu wa kutumia teknologia hii.

Mimi kwa sasa nasoma hapa Ulaya navishukuru sana baadhi ya vyombo vya habari kwa kutoa habari za nyumbani za kila siku bila kumsahau ISSA MICHUZI ambaye kila Mtanzania aliyeko nje ya Tanzania anamfahamu kwa kutupatia picha nyingi za matukio ya nyumbani kupitia blog yake, kama Wizara husika zingekuwa zinaweka taharifa zao za kila mwezi kwenye websites hata baadhi ya wanafunzi wa elimu za juu wakati wanafanya Thesis zao wasingekuwa na haja ya kusafiri mpaka Dar es salaam kutafuta data za population ambazo ungeweza kuzipata kwenye websites za Wizara ya Mipango

Website yenyewe ya polisi ni hii www.police.go.tz



Reggy.R.M
UHOLANZI
MKEREKETWA UGHAIBUNI