tindikalizzzzz

Siku ya Jumamosi waandishi wa habari wa Gazeti la Mwanahalisi Bw. Saed Kubenea (pichani) na Ndimara Tegambwage walishambuliwa na watu wasiojulikana ambao waliwasababishia madhara mwilini. Watu hao walivamia mida ya karibu saa tatu za usiku kwenye ofisi za Magazeti hayo huko Kinondoni huku wakiwa na mapanga na visu!
Bw. Kubenea ambaye ni Mkurugenzi wa magazeti ya Mwanahalisi na Mseto alipata majeraha makubwa zaidi hasa baada ya kumwagiwa tindikali (acid) machoni ambayo imempotezea uwezo wake wa kuona ingawa kiasi cha madhara hayo bado hakijajulikana chote.

Bw. Tegambwage yeye naye alijeruhiwa mwilini na kulazimika kushonwa nyuzi karibu 15 kuganga majeraha hayo. Hadi hivi sasa Bw. Kubenea yuko Hospitali ya Taifa Muhimbili huku Bw. Ndimara akiuguzia maumivu yake nyumbani

Je mashambulizi haya yana maana gani kwa waandishi? Je ni nani inawezekena akawa anahusika na serikali inaweza kufanyanini kuhakikisha usalama wa waandishi wetu? Hayo ni baadhi ya maswali ambayo ninajaribu kujibu katika matangazo yangu ya leo kwenye http://www.klhnews.com

Tafadhali karibu kwenye tovuti yetu mpya ambapo tunaanza pole pole kuwaletea habari moja kwa moja toka nyumbani. Tayari Forum yetu imeshaanza kazi kama nilivyoaahidi na wote mnakaribishwa na hoja na mijadala yenu. Kuna mambo mengi ambayo ni kutembelea na kujaribu ndio utaweza kuona utajiri mkubwa ambao tumeanza kuwakea
Title: KLH News Episode: Kushambuliwa kwa waandishi alama mbaya kwa Tanzania
http://mwanakijiji.podOmatic.com/entry/eg/2008-01-06T22_22_34-08_00
Enjoy!
NB: Tafadhali hakikisha unajiandikisha kwenye tovuti ya KLH News ili niweze kuhakikisha nina email yako kwani baada ya muda tovuti hii ya huku tutaifunga na sina jinsi ya kuhamisha email zote hapa.