ngoma africa kupagawisha ujerumani

kiongozi wa ngoma africa band ras makunja akikaanga mbuyu jukwaani na bendi yake

The Ngoma Africa band na Mziki wa dansi wa Tanzania watapanda jukwaani 9-08-2007 katika onyesho kubwa la Africa-Caribbean Festival, katika mji wa fedha za euro - Frankfurt,Ujerumani.

Ebrahim Makunja mtunzi na kiongozi mwimbaji wabendi hiyo ataiongoza jukwaani bendi hiyo maarufu yenye tabia za kupelekana mchaka mchaka na washabiki barani ulaya kwa kutumia mdundo wao wa dansi wa Tanzania.

Onyesho hilo ambalo linatazamiwa kuhudhuriwa na maelfu ya washabiki ambao wana mazoea ya kulisakata dansi hilo la bongo, dansi ambalo limefanikiwa kuteka nyara maelfu ya washabiki barani ulaya!

Siku ya tarehe 29-08-2008 Ngoma Africa watumbuiza katika onyesho lingine kubwa la mziki wa kiafrika litakalo fanyika katikati ya mji wa Hamburg,takika viwanja vya Altona, huko Ujerumani, ambako kadamnasi ya maelfu ya washabiki wanaisuburi bendi yao yenye kuwapa burudani ya muziki unaochezeka.

30-08- 2008 watakuwa katika mji wa Krefeld, NWR, huko huko Ujerumani.

The Ngoma Africa watakwea jukwaani na kuporomosha mziki moto moto wa pata shika na nguo kuchanika katika onyesho la AFRIKA FEST, onyesho ambalo limeandaliwa na shirikia lisilo la kiserikali la L.O.A (Light of Africa).

The Ngoma Africa na mdundo wao kutoka uswahilini utauhakikishia ulimwengu kwa mara nyingine kuwa muziki wa dansi wa bongo ni moto wa kuotea mbali na ni fyagio la kimataifa!

The Ngoma Africa ambao pia wamebandikwa jina la "Wazee wa Kukaanga mbuyu"pia wametajwa kuwa "The Golden Voice of East Africa" ndio bendi pekee inayoongoza kwa kuwanasa na kuwatia kiwewe washabiki kwa kutumia mdundo au mziki wa dansi wa tanzania ambao wenyewe wanauita "Bongo dansi"

Hebu cheki hapa uone shughuli...

www.myspace.com/thengomaafrica