salamu kwa kakuru toka makambako

Michuzi,

Mimi sijawahi kutoa maoni yangu kwa blog yetu ya jamii lakini huyu kakuru kanipa hamasa maana hata sijajua anategemea kupata nafasi gani kwenye muungano wa africa mashariki, maana nashangaa au tunashangaa kimetokea nini mpaka wenzetu hawa leo wawe wamejua umuhimu wa muungano.

Wakati sisi Tanzania tuliliona hilo mapema zaidi na tukawa tayari kwa lolote na kakuru pia hawezi kukataa juu ya hilo, ni kweli Africa hatuwezi kwenda kila mmoja kivyake lakini kwa roho zetu za ubinafsi hatuwezi kwa sasa kuungana na hapa sio Tanzania tuu, mfano hao watani wetu wa jadi kakuru atuambia nini kinatokea katika kisiwa cha Misali kaskazini mwa Pemba, aseme nini kinatokea kwa Mlima wa Kilimanjaro, pia haitoshi atuambie nini kinatokea kwenye ziwa Nitron na mambo mangapi tunatofautiana kimawasiliano ya kiserikali.

Ikitokea kwa Tanzania kupata japo mafanikio madogo wenzetu hawa wanaumia, sasa hapo kweli jamani ndio pana ushirikiano kweli. Kama kupata mazuri iwe ni Kenya tuu au Uganda kwa sisi wamatumbi iwe hola, haiwezekani bwana Kakuru huo muungano wa kipumbavu.Kwanza mnatudharau kwa sababu hatujasoma kama nyinyi, halafu tuna matatizo kibao ambayo yanahitajika kurekebishwa bwana Kakuru.

Hata wewe mwenyewe waona sio kama huoni. Watanzania tuko macho sana kwa sasa, maana wasiseme kua hatujui umuhimu wa muungano wala tulikotoka ni wapi.

Hayo makao makuu kama wanataka wahamishe tuu, wakipeleka Mbale, Kampala au Ginja ni sawa tuu hata Nairobi, Kisumu au Mombasa ni sawa pia hakuna kitakacho haribika. Kwani kwa sasa muungano wa Africa mashariki wamatumbi hatuutaki labda baadae tena ikiwa wenzetu nyie mmebadilika na tayari tumeweka mambo yetu sawa kwa kizazi cha baadae.

Mdau Makambako