mtanange wa atlanta unakaribia

ule mpambano unaosubiliwa kwa hamu na mamia ya mashabiki wa Atlanta na vitongoji vyake,sasa yamebakia masaa tu nyasi kuwaka moto.

Mara ya mwisho timu hizo zilipocheza mwaka jana,Bongo United waliichakaza Tanzanite Fc 3-2.Mpambano huu ni jumamosi kwenye uwanja wa 1142 Bankhead,Nw,itawapa nafasi timu yaTanzanite Fc kulipiza kisasi.

Akiongea kwa njia ya simu muda mfupi kabla timu ya Bongo United haijaanza safari kuelekea Atlanta,kocha mkuu,Gharibu Latto aliyewahi kuchezea ushirika moshi,small simba na hatimae Taifa stars,amesema vijana wangu wapo katika hali nzuri kimchezo,na wameniahidi ushindi mnono,jana tulikua na mazoezi mepesi na kurekebisha makosa ya mabeki,tatizo lililo jitokeza mwaka jana na wenzetu wakarudisha goli mbili,hatutaki hili tatizo litokee kwenye hii mechi ya jumamosi pia tulikua tunaangalia mikanda ya video ya timu ya Tanzanite Fc,ambayo kwa sasa ipo kwenye ligi daraja la tatu,

tumeiona inavyocheza na kitu kingine bro michu,wahenga walisema,uchawi hauvuki bahari,lakini wakatuonya,tahazali kabla ya ajali,ndio maana tumeamua kusafiri na maji yetu na chakula,tunasikia kuna nyama choma,sisi hatuli nyama ya mtu mpaka hapo dakika tisini zitakapo kwisha.