safari lager yazindua lebo mpya leo

bosi wa masoko wa kampuni ya bia (tbl) david minja akionesha lebo mpya ya kilaji cha safari lager sasa hivi katika ukumbi wa hellenic dar

meneja wa redds george kavishe (shoto) akiwa na mmoja wa walaji wa kilaji cha safari lager kwenye uzinduzi a lebo mpya ya kilaji hicho bora barani afrika
walaji wa kilaji cha safari lager wakifurahia lebo mpya leo
ngoma na safari ni dugu moja

mwali akiibuka taratiiiiiiibu

SAFARI LAGER YAVAA SURA MPYA, LADHA YAKE MAARUFU YABAKI
*Sasa kuwa na muonekano wa kisasa
*Yaendeleza historia yake, ladha na desturi
*Yaendelea kuenzi wanywaji wake

Safari Lager, bia maarufu nchini Tanzania imebadili rasmi muonekano wake wa nje wakati huo huo ikibaki na ladha ile ile inayofahamika. Uamuzi wa kuwa na sura mpya unalenga kuendeleza muitikio wa bia hiyo kwa wanywaji wake huku ukijenga na kusisitiza uwezo wake wa kukubalika katika soko lake linaloendelea kupanuka.
Akiongea wakati wa uzinduzi huo, Meneja wa Bia ya Safari Lager Fimbo Buttallah alisema, “Safari Lager imekuwa sehemu ya Tanzania kwa zaidi ya miaka 30 sasa na uhusiano wa muda mrefu namna hii kwa asili yake unaashiria moyo wa dhati na kukubalika baina ya pande zote mbili. Bia yetu inaendana na wakati na pamoja na mwelekeo huu hitaji la kuwakumbatia wanywaji na kukubalika linakuwa jambo la muhimu. Hivyo basi, ingawa utakachokiona kwenye chupa kitakuwa tofauti, kilichomo ndani ni ladha ile ile maarufu ambayo imekuwepo kwa miaka yote hii nab ado ianendelea kupendwa.”
Katika muonekano huo mpya, badiliko lipo kwenye chapa ambayo sasa ina umbo mfano wa yai ndani ya mraba ambao umeendelezwa toka chapa ya zamani lakini sasa na sura mpya zaidi. Ili kuitambulisha Safari Lager na historia yake, chapa mpya sasa imeongezwa maneno “Tangu 1977”, historia ambayo mnywaji wa bia hiyo anajivunia.

Chapa hiyo mpya pia inaonyesha medali ambazo Safari Lager imeshinda kama ushahidi wa ubora wa bia hiyo. Muonekano huu mpya unakusudia kuionyesha bia hiyo kuwa ya kisasa inayoendana na karne ya 21 wakati huo huo bado ikipendwa na wanywaji wake hata wa siku zote.

Kwa upande wake Mkurugenzi wa Masoko wa Kampuni ya Bia Tanzania (TBL) David Minja alisema, “Tunaishi katika wakati ambapo ulimwengu unabadilika haraka na baadhi ya mambo tunayotambulika kwayo yanabaki kuwa sehemu yetu.

Kwa walio wengi Safari Lager ni ishara ya umoja, desturi, sifa ya kujivunia na kila kitu kinachopelekana na uchapaji kazi na kwa sababu hii tunajisikia fahari kubwa kuendeleza ladha na sifa zile zile sasa katika sura mpya. Hakuna mnywaji yeyote wa Safari Lager atakayeona tofauti ya ladha au ubora kwa sababu hizi ndizo sifa zinazoifanya bia hii kuwa na sifa ya hali ya juu.”

Kampuni ya Bia Tanzania ilianza kutengeneza Safari Lager mwaka 1977, kipindi ambacho kilitawaliwa na ari na mwamko mkubwa wa utaifa na katika utengenezaji huo Safari Lager ikajijengea heshima ya kukubalika.

Kwa kipindi chote hicho bia hiyo imeendelea kupendwa hadi kufikia kuwa bia inayouzwa kwa wingi zaidi nchini Tanzania.

Mara ya mwisho Safari Lager ilibadilisha muonekano wake mwaka 2003. Muonekano huu mpya unategemewa kuvutia wanywaji wengi vijana hasa kutokana na bia hiyo kuhusika na michezo mbalimbali inayojumuisha vijana kama vile mpira wa miguu, pool na mbio za baiskeli.

Safari Lager pia inaoanishwa na shughuli za kila siku za kazi na kwa muda mrefu sasa imekuwa ishara ya watu kujivunia uchapaji kazi ambapo kila baada ya kazi hujumuika pamoja na kujipongeza kupitia bia yao waipendayo.
Buttallah aliongeza, “Tuna hakika ya jinsi mnywaji halisi wa Safari Lager atakavyoipokea sura hii mpya tunayoizindua kwa sababu inaashiria uchangamfu, upya, umaridhawa na zaidi ya yote inaendelea kuwa sehemu ya kila mnywaji wake.”
Safari Lager yenye sura mpya itaanza mara moja kupatikana nchini kote.