newaho mbeye kupumzishwa kesho ijumaa

Marehemu Newaho Mbeye

Mazishi ya Marehemu Newaho Mbeye yatafanyika katika Makaburi ya Kinondoni kesho tarehe 9/1/2009 siku ya Ijumaa mchana.
Ratiba ni kama ifuatavyo:-

Saa 5.00 Asubuhi mpaka saa 6.00 mchana = Misa na Chakula nyumbani kwa Marehemu Tegeta karibu na Nyamachabesi. (Mabasi ya Mwenge -Bunju, kushuka ni Kituo cha Nyaishozi)

Saa 6.00 mchana hadi saa 7.00 mchana= Kutoa Heshima za Mwisho
Saa 8.00 kuelekea Makaburini= Makaburi ya Kinondoni.

Akiwa ni mtumishi wa Mfuko wa Taifa wa Bima ya Afya Bibi Newaho Mbeye alifariki dunia usiku wa kuamkia Jumanne katika Hospitali ya Misheni Mikocheni alikokimbizwa baada ya kuugua ghafla.

Kabla ya kukutwa na umauti, Hayati Newaho alikuwa kitengo cha Huduma za Wateja- sehemu ya mapokezi ambako aliendelea na kazi zake kama kawaida mpaka muda wa kufunga ofisi ulipofika hiyo jana huku akionekana kuwa na afya njema na huku akitekeleza majukumu yake ya kila siku.

Kwa wale waliofika makao makuu ya Mfuko wa Taifa wa Bima ya Afya, tangu walipokuwa Sukari House hadi walipohamia Kurasini sura ya marehemu Newaho Mbeye sio ngeni kwao. Mipango na maandalizi mengine ikiwemo mazishi vinaendelea na taarifa kamili baada ya mawasiliano kati ya Uongozi wa Mfuko na Familia ya Marehemu.

BWANA AMETOA NA BWANA AMETWAA, JINA LA BWANA LIHIMIDIWE MILELELE, MOLA AIWEKE PEMA ROHO YA MAREHEMU NEWAHO MBEYE

AMIN
Mfuko wa Taifa wa Bima ya Afya