JK akutana na abedayo adedeji na ujumbe wake

JK amekutana na kufanya mazungumzo na ujumbe wa Mfumo wa Kujitathmini Wenyewe katika Masuala ya Utawala Bora katika Afrika (APRM), ukiongozwa na mjumbe wa Jopo la Watu Maarufu wa Mfumo huo, Profesa Abedayo Adedeji.

Katika mazungumzo hayo yaliyofanyika Ikulu, Dar, Profesa Adedeji amemweleza Rais Kikwete kuhusu hatua zilizofikiwa katika mchakato huo unaoelekea kukamilishwa katika Tanzania.

Profesa Adedeji amemwomba Rais Kikwete kuendelea kuunga mkono jitihada za kukamilisha mchakato wa kuundwa kwa Baraza la Utawala la Taifa (NGC) katika Tanzania.Pia Profesa Adedeji amemshukuru Rais Kikwete kwa kuliunga mkono baraza hilo kifedha na kumwomba aendelee kufanya hivyo.

Rais Kikwete ameuambia ujumbe huo wa watu 27 kuwa angependa kuona mchakato huo unakamilishwa katika Tanzania, ili nchi iweze kufanyiwa tathmini yake ya kwanza Januari, mwakani, 2010.Pia Rais Kikwete ameahidi kusaidia kuongeza uhalali wa NGC, na pia kuangalia jinsi gani mchakato mzima unavyoweza kusaidia haraka zaidi kifedha.

Imetolewa na:

Kurugenzi ya Mawasiliano ya Rais,

Ikulu,

DAR ES SALAAM.