Bongo United Fc yashinda zidi ya Liberia Nc

bongo united fc

Timu kabambe ya Bongo United jumamosi april 11 iliipa kipigo cha mbwa mwizi mabao 3-2 timu ngumu ya Liberia ya North Carolina mbele ya mashabiki wao kwenye uwanja wa Scott King uliopo mji wa Durham.

 

Mchezo uliaza kwa kasi huku wenyeji wakifanya mashambulizi mfulululizo yaliozaa goli katika dakika ya 23 ya mchezo goli llilofungwa  na mshambuliaji mkali Denis Jonson kwa shuti kali mita 40 na kumfanya golikipa wa bongo united Luke akigala gala bila mafanikio.

 

Bao hilo lilimfanya kocha msaidizi wa timu ya Bogo United Fc Aligo Sachi(Dedy Luba)alieambatana na timu badala ya kocha mkuu supa kochi Gharib Latto kua na dharula kwa mwajili wake kufanya mabadiliko ya kumtoa Ray Abraham na Hussein na nafasi zao kuchukuliwa na Haji Helper na Elvis Dotto Mnyamuru.

 

Mabadiliko hayo licha ya kuleta uhai kwa bongo united yalibalibadilisha sura ya mchezo na kuifanya Bongo United kutandaza kabumbu la kitabuni  na kumfanya golikipa wa bongo united kua likizo isiokua na malipo,huku ikipendeza kwa uzi wa Chelse utafikiri wapo wanja la darajani.

 

Mpaka mapunziko Liberia walikua wanaongoza kwa bao 1-0,kipindi cha pili Bogo united fc ilikianza kwa kulishambulia goli la liberia kama nyuki huku ikimuacha mlinda mlango George Taylor wa Liberia kuokoa mshambulizi yaliokua yakiongozwa na mshambuliaji machachali Vicent Ndusilo akisadiana na winga wa kulia mwenye kasi ya ajabu Ebra Nyagaly.

 

Kunako dakika ya 67 mchezaji wa kiungo Elvs Dotto Mnyamuru aliipatia Bongo United bao la kusawazia kwa shuki kali lilomuacha golikipa wa Liberia akidaka hewa huku nyavu zikitikisika,bao hilo liichanganya beki ya Liberia na kua inatoa mipira onyo ya kona ambazo ziliipatia Bongo united Fc mabao mawili ya haraka haraka katika dakia ya 79 na 83 yalio fungwa na Vicent Ndusilo moja kwa kichwa na lingine kwa kifua.

 

mabao hayo yaiamsha timu ya Liberia ambayo washambuliaji wake waliwekwa kapuni muda karibuni wote wa kipindi cha pili na safu ya ulinzi ya Bongo united fc iliokua ikiongonzwa Kheri Yahaya akisaidiwa na David jua kali huku kulia Steave Majumbo akifanya kazi yaziada akisidiwa na Beki wa kushoto Libe Mwang'ombe (Germany Defence).

 

Kunako dakika ya 90 Liberia walipata bao la pili lilifungwa na Denis Jonson na kufanya mpira uishe kwa Bongo united kushinda kwa bao 3-2 na kuwasubiri Houston stars may 24 kwa mpambano unaosubiriwa kwa hamu na washabiki wa kabumbu Washington Metro Area na Jirani zao na habari tulizo zipata Radio mbao Houston jumamosi april 11 ilishindwa kufurukuta dhidi ya timu zaifu ya Sudan ilipochapwa bao 4-2 kipigo kichopelekea washindwe hata kuleta matokea kwenye glob ya jamii,poleni sana Houston