ZOGO LA NINI CHANZO CHA MTO NILE.LAENDELEA

Daraja la Rusumo mpakani mwa TZ na Rwanda
Maporomoko ya Mto Akagera

Mto Akagera ukitokea milimani

Bango la Tanroads mpakani

Mto Akagera, Nile

Kaka Michuzi hivi karibuni nilitembelea kwa Mkulu Kagame, nilipitia njia ya Kahama na nikaweza kuona mambo mengi sana ikiwemo sehemu ambayo wanasema kuna majambazi kupita kiasi katika njia ya kutokea Kahama kuelekea Rusumo, (border ya Tz na Rwanda)…

Hapo kati kuna msitu mkubwa ambao unatunza majambazi pamoja na sokwe kwahivyo basi kuna sehemu tulifika tukapewa escort, Askari kanzu ambao walikuwa na AK47 mikononi wakatuvusha kupita msitu huo na tukawaacha njia panda kwenda Ngara(border ya TZ na Burundi) tukasonga.

Tulipofika Rusumo(Border ya Tz na Rwanda) tuligongewa pass zetu upande wa Tz na ukikaribia Immigration upande wa Rwanda kuna Daraja hapo kuna mto unapita ambapo katika kuulizia nikaambiwa unaitwa mto Akagera ambao ndio huohuo unaokwenda hadi Tanzania na kuitwa Mto Kagera na unapita kwenye mwambao chini ya Ziwa Victoria ambao pia huchepukia Uganda kule Jinja na kuitwa Mto Nile( River Nile).

Mto huu Akagera(Rwanda) unaanzia kwenye milima (kwa kuwa giza lilitanda sikuweza kunyakua milima ile) ilikuwa kwa mbali ila kwa macho nilikuwa naona maji yanapotokea kwa mtiririko, naahidi December nitakuja na picha za chanzo cha mto huo wenye majina mawili (Kagera, Nile).

Mdau Leonard Saveri

----------------------------------

GLOBU YA JAMII INAMPONGEZA MDAU LEONARD SAVERI KWA KUENDELEZA LIBENEKE BILA KINYONGO, YOTE IKIWA NI KATIKA KUWEKA MAMBO SAWA BIN SAWIA.

TASWIRA NA HABARI ZA KUELIMISHA, KUBURUDISHA NA KADHALIKA ZINAPOKEWA KWA MIKONNO MIWILI NA GLOBU HII YA JAMII AMBAYO ANKO NANIHII ANA FURAHA NA FAHARI KUONA KWAMBA MWENENDO WAKE NI WA KIJAMII HASA KWA JINSI MICHANGO TOKA KILA PEMBE YA DUNIA INAVYOMIMINIKA.

KWA WARAKA HUU GLOBU YA JAMII INAKARIBISHA MICHANGO YA AINA YOYOTE KATIKA KUENDELEZA LIBENEKE. NDOTO YA ANKO NANIHII NI KUONA SIKU ZIJAZO KILA POSTI INAKUWA INATOKA KWA WADAU NA SIO KUTOKA KWAKE, KWANI GLOBU HII SI YAKE TENA!

-MICHUZI