mnuso wa wajumbe wa mkutano wa CPA

jana usiku kulikuwa na dhifa iliyoandaliwa na Chama cha Mabunge ya Jumuiya ya Madola (CPA) katika hoteli ya New Arusha ambapo kulikuwa na mnuso na dansi. Juu mjumbe toka Maldives akishukuru zawadi aliyopewa na Rais wa CPA na Spika wa Bunge la Jamhuri ya Muungano wa Tanzania, Mh. Samwel Sitta, baada ya kutoa burudani ya kuimba wimbo wa 'Malaika' kwa ustadi mkubwa. Shoto ni kaimu Mkurugenzi mkuu wa Consolidated Holding Corpration, Bw. Methusela Y. Mbajo ambaye ndiye aliyefadhili hafla hiyo, akifuatiwa na Mwenyekiti wa PAC tawi la Tanzania, Dk. Raphael Chegeni na Mh. Sitta.
Kiongozi wa upinzani katika bunge la Bermuda amezidi kuwa kivutio sio tu kwa pamba kali bali pia kwa kupenda kulisakata rhumba. Hapa anayarudi mangoma ya Bob Marley ya 'One Love'

meza kuu. Shoto ni Mh. Anna Abdallah ambaye ni mwenyekiti wa kamati ya kinamama ya PAC, Bw. Methusela Y. Mbajo, Dk. Raphael Chegeni, Mh. Sitta, na viongozi wengine wa PAC

baada ya msosi libeneke..

wajumbe wa mkutano wa 55 wa CPA katika hafla hiyo

Mwenyekiti wa CPA tawi la Tanzania Dk. Raphael Chegeni akihutubia

Mh. Chegeni akionesha moja ya zawadi ambazo CPA Tanzania ilitoa kwa kila mjumbe

wajumbe wakifurahia zawadi

baadhi ya wahudumu katika mkutano huo