sehemu muhimu kwa jamii iliyosahaulika

Mkuu wa blog ya jamii leo nilikuwa nataka kuzungumzia hii kitengo cha akili muhimbili ambacho ndio tegemeo kubwa kwa jiji la Lukuvi(Dar) lakini pamesahaurika kwa muda mrefu sana na wahusika wanajifanya kama hawausiki sasa uncle michuzi ukiweka kwenye blog hii ya jamii hata wale wakubwa wao wanapita hapa na wataona habari hii.
Kwa jinsi jiji la dar lilivyo kubwa na wodi ya wagonjwa wa akili iko hiyo tu muhimbili na imekuwa na wagonjwa wengi kuliko uwezo wake na vitendea kazi kama wodi za wanaume na wanawake ni vichekesho kwa kweli na hata idadi ya manesi na wataalam wa akili pale wanafanya kazi ya ziada na wahusika wamesahau umuhimu wa kitengo kile.

Mambo ambayo nilikuwa naomba wahusika waweze kuyatilia kipaumbele ni ubora wa majengo kama sio mengine hata rangi basi ipigwe kila baada ya muda fulani na ukija kwenye wauguzi idadi yao ni ndogo sana na wanahitajika wengi kuweza kukidhi mahitaji ya wagonjwa,ulinzi kwenye hii wodi ni hafifu sana kiasi wagonjwa wanatoloka na kama inavyojulikana mgonjwa wa akili ni hatari akiwa nje bila kupona

Kwa yale makampuni makubwa kama vodacom,zain,Tigo,Bp,Ipp na mengine mengi ya hapo nyumbani walio mstari wa mbele ktk kusaidia jamii hii sehemu imesaulika sana na tunaomba wakiweza wapitishe msaada wao mara moja au mbili kwa mwaka na watakuwa wamesaidia sana wagonjwa husika.
Nimeambatanisha na picha za kitengo cha akili muhimbili na picha ya kwanza ni jengo lenyewe sehemu ya kuingilia na milango yake naona toka enzi ya mkoloni,ya pili ni sehemu ilipaswa kuwa bustani lakini ni bora wagepatengeneza maana siku za kliniki panakuwa na watu wengi kama uko sokoni vile na inakuwa sio pazuri hata kidogo

Picha ya tatu ni jengo lenyewe tena kwa nje mbele na ya nne ni sehemu ya mapokezi na jinsi panavyofungwa kwa kukosa ulinzi mzuri.Wahusika jaribuni kuwajali wagonjwa wa akili na sio kusahau huduma hii ni muhimu kwa jamii.
Ni hayo tu mkuu na wadau waweze kuona hali halisi ya milembe ya dar.

Mdau wa Libeneke