umoja wa mataifa wamlilia simba wa vita

Naibu Katibu Mkuu wa UN akitoa heshima zake mbele ya picha ya Mzee Rashidi Mfaume Kawawa mara baada ya kusaini salamu za rambirambia kwa niaba ya Katibu Mkuu wa UN na pia akasaini kwa niaba yake Mwenyewe kama Naibu Katibu Mkuu.

Katibu Mkuu wa Umoja wa Mataifa Ban Ki Moon katika salamu zake amesema, historia ya Tanzania haiwezi kukamilika bila ya kutajwa kwa Mzee Rashidi Mfaume Kawawa, kiongozi ambaye kwa kushirikiana na Baba wa Taifa, Mwaliku J.K. Nyerere waliogoza mchakato wa kudai uhuru wa Tanganyika, akalijenga taifa la Tanzania lenye umoja, amani na maendeleo, akalitumikia taifa lake kwa uadilifu na uaminifu, huku akitoa mchango mkubwa wa ujenzi wa misingi imara ya uzalendo, utaifa na mchikamano misingi ambayo inaifanya Tanzania kuwa hivi ilivyo, alikuwa mnyenyekevu, mkweli na aliishi maisha ya mwanasiasa aliyejitolea maisha yake kulitumikia taifa la Tanzania na watanzania.

Naibu Katibu Mkuu akiwa katika picha ya pamoja na baadhi ya maafisa wa Ubalozi wa Tanzania katika Umoja wa mataifa, mara baada ya kutia saini kitambu cha maombolezo