sakata jipya laibuka movenpick hotel baada ya kibarua kumshtaki meneja msaidizi aliyemtusi

Ankal Michuzi,

hii nilikutumia asubuhi, lakini tumepata habari za uhakika juu ya sakata zima la kutaka kumnusuru huyu mwarabu Mohsen Shousha,Habari za uhakika tulizozipata kutoka duru za kipolisi ni kwamba inasemekana tayari rupia imeshapenyezwa pale Central na sasa kuna juhudi za makusudi zinazofanywa na askari anayeshikilia hilo jalada ili kumnusuru mwarabu huyo asifikishwe mahakamani kama ilivyotarajiwa.

Leo kijana aliyefungua kesi hiyo alishauriwa na askari amalizane na mtuhumwa kule kazini, lakini kijana akakataa akitaka shauri hilo lifikishwe mahakamni ili haki itendeke.

Baada ya kuona kijana kagoma ku-withdraw hayo mashtaka, huyo askari akamwambia aache namba ya simu ili wawasiliane, mchana huu amempigia simu akimtaka aachane na hiyo kesi kwa kuwa haina ushahidi, lakini kijana amesisitiza kuwa kesi ipelekwe mahakamani na mshahidi watajulikana huko na sio polisi.

Inaonekana kama kuna juhudu za makusudi za kutaka kumnasua mwarabu huyo baada ya kutembeza mlungula.

Mpaka sasa kijana bado ameshikilia msimamo wa kutaka mtuhumiwa afikishwe mahakamani na anayo RB ya kesi hiyo mkononi ambayo ni CD/RB/1169/2010.

Tunakuomba uiweke hii habari katika blog ya jamii ili wadau waone jinsi haki inavyotaka kunyongwa kwa sababu ya pesa.

-----------------------------------------------

MWARABU MTUKANA WATU WA MOVENPICK AFIKISHWA POLICE CENTRAL KWA MATUSI YA NGUONI.

Ankal Michuzi,

kwanza sisi wafanyakazi wa Hotel ya Movenpick Royal Palm Hotel Dar Es Salaam, tunatoa shukrani za pekee kwa blog ya jamii kwa kutupa nafasi katika blog hiyo kufikisha malalamiko yetu kwa jamii.

Kama unakumbuka juu ya malalamiko yetu kuhusiana na uongozi wa Hoteli hii hasa unaofanywa na mkurugenzi msaidizi ndugu Mohsen Shousha, mpaka kufikia kutaka kuajiri meneja rasilimali watu kutoka nchi jirani ili aweze kutunyanyasa vizuri.

Baada ya malalamiko yetu kutoka katika blog ya jamii, inasemekana vyombo husika vilianza kufuatilia, na kama kawaida meneja huyo msaidizi alitaka kupenyeza rupia lakini ikashindikana kutokana na labda mambo kuwa magumu. Hata hivyo amesisitiza kuwa atahakikisha anatumia kiasi chochote cha fedha kuhakikisha kuwa anatimiza azma yake hiyo.

Kutokana na hatua yake hiyo kukwama, ndugu Mohsen Shousha amegeuka kuwa mnyanyasaji mkubwa wa wafanyakazi na amekuwa akitumia matusi ya nguoni kuwanyanyasa wafanyakazi , bila sababu ya msingi. Kutokana na baadhi ya wafanyakazi kuwa waoga wa kupoteza ajira zao wamekuwa wastahimilivu huku wakiendelea kunyanyaswa ndani ya nchi yao.

Hivi nkaribuni kuna mfanyakazi mwenzetu mmoja ambaye ni kibarua, alikutwa na meneja huyo msaidizi akiwa anasafisha meza baada ya wageni kuondoka lakini meneja huyo bila sababu ya msingi akamwambia kwa kingereza, naomba ninukuu, ‘you casual if yo still my money, I will fuck you up’ mwisho wa kunukuu.

Akiwa ameshikwa na mshangao kijana huyo alimuuliza kosa lake lakini alisisitiza kauli yake na kumwambia aondoke nyumbani mpaka atakapoitwa, kisha akaondoka. Hiyo ndio kawaida yake kuwatukana wafanyakazi bila sababu za msingi hapa kazini, tena wakati mwingine huwadhalilisha kwa kuwaofokea mbele ya wateja.

Mfanyakazi husika alilifikisha swala hilo kwenye ofisi ya Human Resources hapa kazini lakini halikupewa uzito unaostahili, na baada ya kuona kuwa anaweza kupoteza haki yake akaona ni vyena alifikishe swala hili Police. Kwa kuwa Hoteli hii iko katikati ya jiji, kijana huyo alilifikisha swala lake Police Central na jana mtuhumiwa alikamatwa na kupelekwa Police Central kwa mahojiano, ambapo inasemekana alikanusha madai hayo.

Mtuhumiwa aliachiwa na kurudi kazini lakini kama kawaida, alitamba kusema kuwa hata tufanye nini hatumuwezi, kwani pesa inaongea. Aliongea kwa kujiamini sana na kutamba kusiko kawaida.

Sasa sisi wafanyakazi tunajiuliza kuwa ni watu gani hasa wanamlinda mwarabu huyu jeuri, na wanapata maslahi gani kwake?! Haiwezekani ndani ya nchi hii kuwe na mtu tena mgeni awe na jeuri kubwa kiasi hiki kiasi cha kutamba kuwa anaweza kutumia pesa kufanya atakalo.

Je mtu kuwa na pesa inahalalisha kuwa juu ya sheria, na kama ni hivyo basi wanyonge tumekwisha maana sasa, wanyonge hatuna pa kukimbilia. Ukweli ni kwamba huyu mwarabu siyo mwenye mali yeye ni mfanyakazi ambaye yupo kweny payroll kama mfanyakazi mwingine yeyote katika hoteli hii,mwenye mali mwenyewe yupo SAUDIA wala huyo mwenye mali hamjui Shousha hata kwa sura! Ni meneja wa mauzo tu ambaye amebadili cheo na kuwa meneja mkuu msaidizi ili apate kibali cha kuendelea kuishi na kufanya kazi nchini baada kibali cha kwanza kuisha muda wake!

Mpaka sasa kuna juhudi kubwa zinafanyika kutaka kuizima hiyo kesi, lakini mlalamikaji anasisitiza suala hilo lifikishwe mahakamani ili sheria ichukue mkondo wake, upo uwezekano kesi hii ya aina yake ikatinga mahakamani kesho.

Tunaomba mamlaka husika hasa mkuu wa Police IGP Mwema na DCI Robert Manumba walifuatilie swala hili kwa undani ili wajue kiini cha jeuri hii, Mwarabu huyu anadhani kwa kuwa amemudu kuishika TIC kwa kuwapa rushwa anadhani anaweze kuishika serikali nzima, kwani yeye ni nani hasa ndani ya nchi hii kuwadhalilisha watu wazima kwa matusi ya nguoni.

Tunaomba kilio chetu kiwafikie wahusika ili hatua za kisheria dhidi ya mtuhumiwa zichukue mkondo wake vinginevyo tutaamini kuwa huyu bwana yuko juu ya sheria.

Ni sisi wafanyakazi wa

Movenpick Royal Palm Hotel

Dar Es salaam