daraja la umoja lilivyo leo

bango linaloelezea mradi wa Daraja la Umoja
mwanzo wa daraja upande wa Tanzania
Daraja linavyoonekana kwa karibu
Sehemu ya chini ya daraja inavyoonekana
Daraja linavyoonekana kwa mbali

Daraja linavyoonekana kutokea upande wa Msumbiji

Hellow Kaka Michuzi!
Kwanza nikupe pole kwa kazi ngumu ya kutupatia habari za uhakika kupitia globu yetu hii ya jamii,pia nikupongeze kwa kazi nzuri inayokubalika na jamii yote ya Watanzania.

Kaka Michuzi mimi ni mdau wa globu ya jamii nafanya kazi huku Masasi -Mtwara,na wiki endi iliyopita nilipata bahati ya kutembelea Daraja la Umoja "Unity Bridge".

Kwa kifupi tu kaka ni kuwa daraja hili linavuka mto Ruvuma na lipo eneo linaloitwa Mtambaswala (Mpakani mwa Msumbiji na Tanzania) .Daraja hili ndo linaunganisha nchi yetu ya Tanzania na majirani zetu Msumbiji,na limejengwa kwa ushirikiano kati ya Serikali ya Jamhuri ya Muungano wa Tanzania na Serikali ya Msumbiji.Kaka Michuzi daraja hili limeshakamilika tunasubiri tu sherehe za ufunguzi.

Kaka Michuzi daraja hili ni muhimu sana kwa sababu sasa linatuunganisha wananchi wa nchi mbili hizi,matokeo yake ni kuwa tunategemea mabadiliko makubwa kiuchumi,kibiashara na kwenye nyanja nyinginezo kama michezo.

kaka Michuzi sasa safari yetu ya kwenda kwenye fainali za Kombe la Dunia mwezi Juni hapo Afrika Kusini imerahisishwa kupitia daraja hili la Umoja.

Mwisho kaka Michuzi kwa niaba ya wadau wote wa Ukanda huu wa Kusini mwa Tanzania nifikishe shukrani za dhati kwa viongozi shupavu wa Serikali ya Jamhuri ya Muungano wa Tanzania na Serikali ya Msumbiji.

Ahsante
Mdau
Eng.Jimmy Wilbard-

Ingerosec Corporation
The Project for Improvement

of Masasi -Mangaka Road