balozi maajar aaga rasmi chama cha mabunge ya jumuiya ya madola

Mh. Balozi Mwanaidi Sinare Maajar akikaribishwa makao makuu ya Commonwealth Parliamentary Association (CPA) jijini London leo kwa lengo la kumuaga rasmi Katibu Mkuu wa CPA, Mheshimiwa Dk. William Shija.
Mheshimiwa Balozi Mwanaidi Sinare Maajar leo alitembelea Makao Makuu ya Jumuiya ya Mabunge ya Nchi za Jumuiya ya Madola (Commonwealth Parliamentary Association, CPA) hapa London kwa lengo la kumuaga rasmi Katibu Mkuu wa CPA, Mheshimiwa Dk. William Shija.
Balozi Maajar amepata uhamisho wa kikazi kwenda Washington, Marekani kuwa Balozi wetu mpya nchini humoi.

Dk. Shija ni mwanasiasa mkongwe wa Tanzania aliyechaguliwa kusimamia sekretariati ya CPA kwa miaka mitano toka mwaka 2006. Mwaka huu anatarajiwa kuongezwa muda mwingine wa miaka mitano kukamilisha utaratibu rasmi wa CPA. Jumuiya ya CPA ilifanya Mkutano wake Mkuu wa Kimataifa Mjini Arusha mwishoni mwa mwaka jana (2009).

Katika ziara hiyo, Mheshimiwa Balozi Maajar alisindikizwa na Afisa wa Ubalozi wa Tanzania London, Bw. Amos Msanjila.


Mh. Balozi akioneshwa sehemu ya kutia saini kwenye kitabu cha wageni na Katibu Mkuu wa CPA Mheshimiwa Dk. William Shija huku Afisa ubalozi Bw. Amos Msanjila akiangalia

Katibu Mkuu wa CPA Mheshimiwa Dk. William Shija akimkabidhi zawadi Mh. Balozi Mwanaidi Sinare Maajar

Mh. Balozi Mwanaidi Sinare Maajar katika picha ya pamoja na wafanyakazi wa CPA