yanga yaitungua maji maji 1-0

Mchezaji wa timu ya Yanga, Nurdin Bakari ( kulia) akijaribu kumtoka beki mmoja wa timu ya Maji Maji ya Mjini Songea katika mchezo uliofanyika leo kwenye uwanja wa Jamhuri wa Mjini Morogoro, ambapo Yanga ilishinda bao 1-0.
Mchezaji wa Yanga, Jeryson Tegeta, akiwa amekaa katika mstari wa goli la Maji Maji baada ya kukosa bao la wazi kati ya matatu aliyokosa kipindi cha kwanza , kabla ya kufuga bao pekee dakika ya 67 dhidi ya wana lizombe ya Songea , katika mchezo uliofanyika leo kwenye uwanja wa Jamhuri wa mjini Morogoro.
Waamuzi wa mchezo kati ya Yanga na Maji Maji wakiwa wamejipanga tayari kwa kuanza kazi ya kuchezesha mchezo wa timu hizo, huku vijana wa Maji Maji wakiweka mduara kuomba dua ili washinde mchezo huo , hata hivyo timu hiyo ilifungwa bao 1-0 katika mchezo uliofanyika leo kwenye uwanja wa Jamhuri wa mjini Morogoro.
Kocha Mkuu wa Timu ya Yanga, Msebia, Kostadin Papic ( wa kwanza kulia) akitafakari jinsi ya kuwapatia maelekezo wachezaji wake ili kufanikisha ushindi dhidi ya timu ya Maji Maji ya Songea kabla ya mapunziko, hata hivyo Yanga ilishinda bao 1-0 katika mchezo huo uliofanyika kwenye uwanja wa Jamhuri, leo mjini Morogoro.