haja ya hoja na msaada tutani tafazali

Ankal!

Hahahhaahaaaaaaaa....mada za wadau wako wallahi tena zinaniua. Unajua mie ni juzi juzi tu nimeanza kusoma blg yako. Nikawa sielewi kwa nini wadau wanakupapatikia, ikizingatiwa kuwa habari ni zile zile, sema zinawahi kutoka kabla ya chombo chochote cha habari huko Bongo. Kwa hilo nakupa FIVE!! Maana sijaona blg yoyote ya mfano wako – unahabarisha, unaburudisha, unasikitisha na saa ingine unaelimisha. Ubarikiwe ndugu yangu.

Pamoja na kukufagilia huko, Ankal, name pia nina kashida kadoooogoooo naomba wadau wa blg yako ya jamii wanisaidie. Ila hala hala ndugu yangu, email yangu usianike hewani maana ni soooo wakinijua ni mimi.

Ni hivi ankal. Mie niko huku ughaibuni (naomba nisitaje mji kwa sababu z kiusalama) na ni mwaka wa tisa sasa. Boksi nimebeba, vibibi nimeosha na pasi za mashuka hotelini nimepiga sana tu. Hivi sasa mambo yamejipa, sibebi tena boks, na wala siko katika home za vizeei. Nna kazi yangu ya maana na bonge la mshahara. Nadhani hata mshkaji wako JK haingii.

Vile vile (i might be blowing my own whistle, but hey, it’s true, man, so let’s move on!) mie ni bonge la handsome. Yaani kuhusu maswala ya totozzz wala sina shida. Wanajiletaga wenyewe tu. Ila nna tatizo sugu ambalo naomba wadau wa blg yako ya jamii (wataalamu tu, sio vilaza tafazali) wanisaidie.

Mie bwana kaka Ankal, pamoja na yote hayo nna bonge la tatizo moja. Kikwapa sina na nikikohoa wala sibanji. ukiniona kwa haraka haraka, kama we ni demu, lazima ugeuze kichwa. Tatizo ni kwamba nna mtindio wa MVUA YA DENDA.

MVUA YA DENDA niliyonayo ni kwamba kila ninapoongea na mtu mate huwa hunitokaga kwa wingi na kumpakaza nnaeongea naye. Na wakati wa kula i.e. mishikaki ama msosi wote wa jumuiya, kila nifunuapo kinywa mvua hiyo hunitoka, na kuwa kero kwa wenzangu.

Nina miaka 35 sasa na nshakula nondozzz hadi ya masta (taaluma siitaji, nisije stukiwa bureee), na sijui hii gharika ya DENDA imeanza lini. Maana niko fiti, ngoma sina (napima kila baada ya miezi 6, mara ya mwisho Ijumaa ilopita – niko swafiiiii). Ila tatizo ni hiyo MVUA YA DENDA ambayo imenifanya niwe gumzo kwa wenzangu.

Hivyo basi kwa heshima na taadhima naomba kujua mie nna tatizo gani, na nifanyeje ili nikaushe MVUA YA DENDA nilioyanyo. Na, je, ni mie peke yangu ama kuna mwenye tatizo kama langu?????

NA JE TIBA NI NINI?????

Ankal naomba kuwasilisha. Ila Chonde , chonde na Chonde chonde tena na tena, email yangu kapuni tafazali

MDAU WA Desh Desh Desh....