JK atembelea wizara ya maji leo, azitaka halmashauri kuwajibika kusimamia miradi ya maji

Rais Jakaya Kikwete akisaini kitabu cha wageni mara baada ya kuwasili makao makuu ya Wizara ya Maji, Ubungo, jijini Dar es salaam. Kulia ni Waziri wa Maji Profesa Mark Mwandosya
Rais Jakaya Kikwete akiwasili Wizara ya maji

Rais Jakaya Kikwete katika picha ya pamoja na uongozi wa Wizara ya Maji

Juu na chini ni Rais Dkt.Jakaya Mrisho Kikwete akisalimiana na baadhi ya wafanyakazi wa Wizara ya Maji wakati alipoitembelea makao makuu ya Wizara hiyo ubungo jijini Dar es Salaam leo

Mzee hapa kazi tu....

Rais Dkt Jakaya Mrisho Kikwete akiwa na Waziri wa Maji Profesa Mark Mwandosya muda mfupi baaada ya kuwasili katika makao makuu ya Wizara hiyo Ubungo jijini Dar es Salaam leo

NA VERONICA KAZIMOTO – MAELEZO

Rais Jakaya Kikwete amezitaka halmashauri zote nchini ziwajibike katika kusimamia miradi mbalimbali ya maji ili kuwasaidia wananchi kupata maji safi na salama.

Akizungumza na wafanyakazi wa Wizara ya maji alipotembelea wizarani hapo, Rais Kikwete amesema halimashauri zina jukumu la kutenga bajeti kwa ajili ya kusaidia miradi hiyo iweze kufanya kazi kikamilifu na hatimaye kurahisisha upatikanaji wa maji.

“Halimashauri lazima zitambue kwamba katika bajeti wanazopanga kwenye miradi mbalimbali ya maendeleo kamwe zisisahau mradi wa maji kwani hakuna asiyefahamu umuhimu wa maji katika maisha ya binadamu,” amesema Rais Kikwete.

Naye Waziri wa maji Profesa Mark Mwandosya amesema katika kipindi cha 2006 na 2010, Wizara yake kupitia program ya maendeleo ya sekta ya maji imejenga na kukarabati miradi ya maji zaidi 4,000 yenye vituo vya kuchotea maji zaidi ya elfu 9,000 ambavyo huhudumia watu wapatao elfu 2,700.

Mwandosya amesema wizara yake inaendelea kuviimarisha vyama vya watumia maji kwa kutoa miongozo na mafunzo ya njia bora na endelevu za kusimamia miradi ya maji.

Waziri Mwandosya amebainisha kuwa Wizara yake inaendelea kugharamia sehemu ya uendeshaji, ukarabati na uimarishaji miradi hiyo ya maji na sasa hivi ina mpango wa kukarabati miradi iliyochakaa ili iweze kutoa huduma kama inavyotakiwa.