news alert: tetemeko la dar leo latia kiwewe, lathibitishwa kitaalamu

 Wananchi wa Dar es salaam wakiwa na wasiwasi makutano ya barabara ya Morogoro road na mtaa wa Samora Avenue katikati ya jiji mnamo saa sita kasorobo. Hakukuwa na madhara ya aina yoyote 

 Watu wakishangaa barabarani huku wakisikilizia kama kitalia tena

Askari na walinzi wakiwa tayari kwa lolote jengo la PPF House mtaa wa Samora Avenue. Picha na mdau JP


JIJI la Dar es Salaam leo limetikiswa na tetemeko dogo la ukubwa wa richta 4.8 na kusababisha wakazi katika majengo marefu katikati mwa Jiji hilo kuyakimbia.

Ofisa Mtendaji Mkuu wa Wakala wa Jiolojia Tanzania, Profesa Abdulkarim Mruma alisema jana kuwa tetemeko hilo lilitokea saa 5: 28:13 katikati ya Bahari ya Hindi katika kina cha kilometa 10.

Alisema eneo hilo liko usawa wa latitude 7.080 na longitude 39.628 na umbali wa kilometa 52 Kusini Mashariki wa Jiji na kilometa 105 Kusini Mashariki mwa Zanzibar na mtikisiko wake ulienea hata Rufiji na Kusini mwa visiwa vya Zanzibar.

Hii ni mara ya pili ndani ya miezi sita kwa Dar es Salaam kukumbwa na tetemeko la ardhi.
Alisema huenda tetemeko hilo likawa limesababishwa na sehemu ya ardhi kuteleza katika mipasuko ya ardhi iliyopo katika pwani ya Tanzania.

Profesa Mruma aliitaja baadhi ya mipasuko ya ardhi kuwa ni bonde la Ruvu, bonde la Mzinga linalotenganisha kati ya Mbagala na Dar es Salaam, mkondo wa Bahari ya Hindi eneo ilipo bandari na unaotenganisha Wazo Hill, Chuo Kikuu cha Dar es Salaam na milima ya Pugu. 

Aidha, aliwahadharisha wananchi kuwa makini hususan kwa wanaofanya shughuli za uvuvi na watumiaji wengine wa bahari kutokana na kutojulikana kama litaendelea. “Kuna matetemeko ya aina tatu, ambayo yanaanza taratibu na hufuatiwa na makubwa na kasha mengine yanamalizia … kuna uwezekano wa kujirudia kutokana na chanzo cha tetemeko lenyewe. “Mara nyingi matetemeko kama haya huambatana na mawimbi makubwa ya tsunami, ni vema wavuvi, vyombo vya usafiri na watumiaji wengine wa bahari kuwa waangalifu,” alisema. Katika hali isiyo ya kawaida, Msemaji wa Wizara ya Nishati na Madini, Aloyce Tesha, alisema mtikisiko huo haukutokana na tetemeko, bali na mabomu yaliyokuwa yakilipuliwa Gongo la Mboto. “Wananchi walipewa hadhari ya kulipuliwa kwa mabomu, hata wakati ule wa mabomu waliopata mtikisiko ni wale waliokuwa kwenye majengo marefu, angalia tovuti ya jeshi wamelieleza hili.” Kamanda wa Polisi wa Mkoa wa Ilala, Faustine Shilogile, alisema: “Tumepata taarifa ya kuwepo tetemeko la ardhi, lakini hakuna taarifa ya uharibifu wa mali na vifo na hali imekuwa shwari.”

Chanzo: HABARI LEO
--------------------------------------------------------------------------

Aidha, aliwahadharisha wananchi kuwa makini hususan kwa wanaofanya shughuli za uvuvi na watumiaji wengine wa bahari kutokana na kutojulikana kama litaendelea.

“Kuna matetemeko ya aina tatu, ambayo yanaanza taratibu na hufuatiwa na makubwa na kasha mengine yanamalizia … kuna uwezekano wa kujirudia kutokana na chanzo cha tetemeko lenyewe.

“Mara nyingi matetemeko kama haya huambatana na mawimbi makubwa ya tsunami, ni vema wavuvi, vyombo vya usafiri na watumiaji wengine wa bahari kuwa waangalifu,” alisema.

Katika hali isiyo ya kawaida, Msemaji wa Wizara ya Nishati na Madini, Aloyce Tesha, alisema mtikisiko huo haukutokana na tetemeko, bali na mabomu yaliyokuwa yakilipuliwa Gongo la Mboto.

“Wananchi walipewa hadhari ya kulipuliwa kwa mabomu, hata wakati ule wa mabomu waliopata mtikisiko ni wale waliokuwa kwenye majengo marefu, angalia tovuti ya jeshi wamelieleza hili.”

Kamanda wa Polisi wa Mkoa wa Ilala, Faustine Shilogile, alisema: “Tumepata taarifa ya kuwepo tetemeko la ardhi, lakini hakuna taarifa ya uharibifu wa mali na vifo na hali imekuwa shwari.”

Magnitude 4.8 TANZANIA 
Friday, June 10, 2011 at 08:28:13 UTC 
Magnitude 4.8 
Date-Time Friday, June 10, 2011 at 08:28:13 (UTC) - Coordinated Universal Time 
Friday, June 10, 2011 at 11:28:13 AM - Local Time at Epicenter 
Time of Earthquake in other Time Zones 
Location 7.08S 39.63E 
Depth 10.0 kilometers 
Region TANZANIA 
Distances 52 km (32 miles) ESE of DAR ES SALAAM, Tanzania
105 km (65 miles) SSE of Zanzibar, Tanzania
230 km (142 miles) SSE of Tanga, Tanzania
713 km (443 miles) SSE of NAIROBI, Kenya

Location Uncertainty Error estimate not available 
Parameters Nst=0, Nph=0, Dmin=0 km, Rmss=0 sec, Gp=0 degrees 
Source USGS NEIC (WDCS-D) 
Event ID usc000440z 

SOURCE: http://earthquake.usgs.gov/earthquakes/eqarchives/last_event/world/world_tanzania.php