MATUKIO MBALIMBALI KUTOKA MKOANI RUVUMA

Abiria wa basi la ng'itu linalofanya safari zake kati ya Mtwara mjini kwenda Dar es salaam,wakiwa wameshuka ndani ya gari hilo kufuatia kuharibika kwa gari hilo katika kijiji cha Mavuji wilayani kilwa hivi karibuni.

Abiria wakiwa wamekata tamaa na wasijue la kufanya baada ya gari walilokuwa wakisafiria kutoka Songea kwenda Masasi mkoa wa Mtwara kuharibika wilayani Namtumbio ambapo walilazimika kusubiri kwa zaidi ya saa 8 njiani kabla ya kuendelea na safari yao.

Abiria waliokuwa wakisafiri kutoka Songea kwenda Masasi mkoani Mtwara,wakiwa hawajui la kufanya kufuatia gari walilokuwa wakisafiria la kampuni ya Kisiwa Video coach,kuharibikia katika kijiji cha Mchomolo wilaya ya Namtumbo mkoa wa Ruvuma,ambapo walilazimika kusubiri kwa zaidi ya masaa 8 bilia ya kupatiwa gari lingine.

Licha ya serikali kugawa vyandarua kwa wananchi kwa ajili ya kupambana na ugonjwa wa malaria lakini baadhi ya wananchi wamekuwa wakitumia vyandarua hivyo kinyume na matumizi kama inavyoonekana moja kati ya chandarua kikitumika kama pazia katika moja ya choo katika kijiji cha Mtandi Kilwa.

Barabara kuu ya Mingoyo - Kibiti ambayo imetumia mamilioni ya shilingi katika ujenzi wake ikiwa imeanza kuharibika ndani ya miaka 2 tangu kujengewa kwake kufuatia mkandarsi aliyejenga barabara hiyo kujenga chini ya kiwango kama inavyooneka ikiwa imeanza kumeguka kingo zake katika kijiji cha kiranjeranje Wilayani Kilwa mkoa wa Lindi.Picha na Muhidin Amri,Globu ya Jamii-Ruvuma.