SHUKURANI

MAREHEMU THERESIA VERONICA RWEYEMAMU 

KUZALIWA 23.04.1973 KUFA 03.09.2011

Familia ya Bwana Burchard Rweyemamu na Godeliva Rweyemamu, wanapenda  kumshukuru Mungu na pia kuwashukuru wote waliofanyika faraja wakati wa kipindi kigumu cha kuondokewa na binti yao mpendwa Theresia Veronica Rweyemamu (maarufu kama Koku Mkubwa).

Shukurani za pekee ziwaendee Madaktari na wauguzi wa Hospitali ya Lugalo, watumishi wa Mungu wa kanisa la Breakthrough - Boko chini ya uongozi wa Mchungaji Gosbert Semtomvu na kanisa la Living Water (Makuti) Kawe chini ya uongozi wa Mtume Onesmo Ndegi.

Pamoja na majirani wote, Ndugu wote, jamaa na marafiki wa familia.

Kwa kila aliyejitoa kwa namna moja ama nyingine Mungu atamlipa kwa majira sahihi, maana ulichokifanya kwetu ni kupanda mbegu na utavuna kwa kipimo cha kujazwa na kusukwa sukwa.

Tunamshukuru Mungu kwa kutuponya kidonda, maana hatuna maumivu ndani ya mioyo yetu lakini kovu haliwezi kufutika kamwe.

Daima utakumbukwa na Baba na mama yako, watoto wako Irene na Billy, kaka zako Richard, Rutakinikwa, Ndyamkama, na Rutahiwa, dada zako Felista, Anita na Devota bila kumshahau Bibi yako Theresia Rwakyendera.

Biblia inasema katika kitabu cha Ufunuo 14:13 "Heri wafu wafao katika Bwana tangu sasa....." japo kimwili ni mfu lakini tunaamini nafsi yako hii hai ikimtukuza na kumshangilia Bwana milele. Amina